სუფრაჟისტები ქალთა მოძრაობის მონაწილენი იყვნენ, რომლებიც ქალებისთვის ხმის მიცემის უფლებას ითხოვდნენ. თითქოს ძნელი დასაჯერებელია, რომ ამ მარტივი ჭეშმარიტების მტკიცებას, საპროტესტო აქციები და ქალების მხრიდან დიდი თავგანწირვა და ბრძოლა სჭირდებოდა.

სინამდვილეში, ყველაფერი იმაზე რთული იყო ვიდრე წარმოგვიდგენია. სუფრაჟისტებს სდევნიდნენ, აწამებდნენ, მათ წინააღმდეგ დამცინავ, პროპაგანდისტულ კამპანიებს აწარმოებდნენ. იმისთვის, რომ უფრო კარგად გავაცნობიეროთ მაშინდელი მდგომარეობა, წარმოგიდგენთ პოსტერებს, რომლებიც სუფრაჟისტების წინააღმდეგ იყო მიმართული და სხვადასხვა თემებს ეხებოდა.

1. დამცინავი პოსტერები ქალების გარეგნობის, გონებრივი შესაძლებლობების, ჩაცმულობის და ასაკის შესახებ

ამ ფოტოს მიხედვით, სუფრაჟისტები მხოლოდ 40 წელს გადაცილებული, გაუთხოვარი ქალები იყვნენ.

წარწერა ფოტოზე: სუფრაჟისტების წარმოშობა და განვითარება. 15 წლის ასაკში — პატარა კნუტი; 20 წლის ასაკში — პატარა კოკეტი; 40 წლის ასაკში — გაუთხოვარი; 50 წლის ასაკში — სუფრაჟისტი.

ფოტო: Ken Florey Suffrage Collection / Getty Images

ალბათ, ამ პოსტერის ავტორს ძალიან უხაროდა, რომ სიტყვები knows (იცის) და nose (ცხვირი) უგემოვნოდ გარითმა.

1-ლი წარწერა ფოტოზე: რა იციან სუფრაჟისტებმა?

მე-2 წარწერა: მხოლოდ ღმერთმა იცის (სიტყვა "იცის" ნაცვლად იყენებენ სიტყვა "ცხვირს")

მე-3 წარწერა: ამან ძალიან ბევრი იცის (სიტყვა "იცის" ნაცვლად იყენებენ სიტყვა "ცხვირს")

მე-4 წარწერა: ამან საერთოდ არაფერი არ იცის (სიტყვა "იცის" ნაცვლად იყენებენ სიტყვა "ცხვირს")

ფოტო: en Florey Suffrage Collection / Getty Images

რა თქმა უნდა,პროპაგანდის მიხედვით, სუფრაჟისტი ქალები, არ არიან მიმზიდველები.

1-ლი წარწერა ფოტოზე: სუფრაჟისტების შეხვედრაზე თქვენ მოისმენთ უბრალო იდეებს და ნახავთ უბრალო ქალებს.

მე-2 წარწერა: ქმრები მხოლოდ მოხუცი ქალებისთვისაა საჭირო

მე-3 წარწერა: ძირს კაცები

ფოტო: Ken Florey Suffrage Collection / Getty Images

ხმის მიცემის უფლებას, მხოლოდ ის ქალები ითხოვენ, რომელთაც კაცისთვის არასდროს უკოცნიათ. მე უბრალოდ, ამ ორ მოვლენას შორის კავშირს ვერ ვამყარებ.

წარწერა ფოტოზე: სუფრაჟისტები, რომელთათვის არავის უკოცნია

2. პოსტერები, რომლებიც გვაჩვენებს, როგორ შეიცვლება გენდერული როლები საზოგადოებაში

ყველა კაცის ღამის კოშმარი: კაბაში ჩაცმული კარს რომ ღებავს.

წარწერა ფოტოზე: ნუ მოიყვან ცოლად სუფრაჟისტს

ფოტო: Ken Florey Suffrage Collection / Getty Images

ალბათ, ხალხს მაშინ სჯეროდა, რომ ყველა სუფრაჟისტი ამ ხატზე ლოცულობდა.

წარწერა ფოტოზე: სუფრაჟისტი მადონა

რა პრობლემაა? ჯერ ერთი წავა ხმის მისაცემად, მერე მეორე.

1-ლი წარწერა ფოტოზე: არჩევნების დღე

მე-2 წარწერა: რა არის სუფრაჟეტი, თუ სახლში არავის ტანჯავს?

ფოტო: Ken Florey Suffrage Collection / Getty Images

სინამდვილეში: სუფრაჟისტებმა ყველაზე უკეთ იცოდნენ რაც უნდოდათ და მიაღწიეს კიდეც მიზანს.

წარწერა ფოტოზე: სუფრაჟისტები სახლში - არ ვიცით რა გვინდა, მაგრამ ამას აუცილებლად მივაღწევთ

იპოვეთ 10 შეცდომა ამ პოსტერზე.

1-ლი წარწერა ფოტოზე: ყველა მუშაობს სუფრაჟისტის გარდა

მე-2 წარწერა ფოტოზე: ხმის მიცემა მინდა, მაგრამ ცოლი ამის საშუალებას არ მაძლევს

ფოტო: Transcendental Graphics / Getty Images

3. პოსტერები ქალების ემანსიპაციის წინააღმდეგ

რატომაც არა?

წარწერა ფოტოზე: "ხმას მომცემ, რომ გავხდე შერიფი?"

ფოტო: Ken Florey Suffrage Collection / Getty Images

რა თქმა უნდა!

წარწერა ფოტოზე: "ხმას მომცემ, რომ გავხდე მოსამართლე?"

ამ პოსტერს მაშინ გამოვიყენებ, როცა ჩემი ქალაქის მერი, ქალი გახდება.

წარწერა ფოტოზე: "მომცემ ხმას, რომ მერი გავხდე?"

ფოტო: Ken Florey Suffrage Collection / Getty Images

4. პოსტერები, რომლებსაც კომენტარი არ სჭირდება

წარწერა ფოტოზე: "რას გავუკეთებდი სუფრაჟისტს"

წარწერა ფოტოზე: "აი რას გავუკეთებდი სუფრაჟისტს"

ფოტო: Ken Florey Suffrage Collection / Getty Images

არა, უნდა ვაღიარო, მომდევნო ფოტოში, ნამდვილად ამოვიცანი ჩემი თავი 2020 წლის არჩევნებზე.

წარწერა ფოტოზე: ხმის მიცემის უფლება ქალებისთვის

ფოტო: Ken Florey Suffrage Collection / Getty Images

მართალია, ეს პოსტერები ძალიან სევდიანი, ბინძური იდეის მატარებელი და შემაძრწუნებელია, მაგრამ ამავე დროს დიდი მოტივაციაც შეიძლება მოგცეს. როცა, უფლებებისთვის იბრძვი და სამყაროს უკეთესობისკენ შეცვლა გინდა, შეიძლება დაგცინონ, დაგამცირონ და ტყუილები მოგიგონონ. მაგრამ, თუკი ბოლომდე გჯერა შენი შეხედულებების არ უნდა დანებდე. რადგან პოსტერები უბრალო არქივში რჩება, იდეები კი დროს უძლებს.