აშშ-ს ყოფილმა სახელმწიფო მდივანმა, მაიკ პომპეომ 2024 წლის საპრეზიდენტო არჩევნებში მონაწილეობა არ გამორიცხა. ამის შესახებ მან Fox News-ის ეთერში განაცხადა.

ტელეწამყვანმა შონ ჰენეტიმ ყოფილ სახელმწიფო მდივანს ჰკითხა, მიიღებდა თუ არა არჩევნებში მონაწილეობას იმ შემთხვევაში პრეზიდენტი დონალდ ტრამპი უარს კენჭისყრაზე იტყოდა, რაზეც პომპეომ უპასუხა:

"ყოველთვის მზად ვარ ბრძოლისთვის. ძალიან ვზრუნავ ამერიკაზე. მე და თქვენ დიდი ხანია კონსერვატიული მოძრაობის ნაწილი ვართ. ვცდილობ, ეს შევინარჩუნო".

ჰენეტიმ თქვა, რომ პომპეოს პასუხს აღიქვამდა, როგორც "მყარი, ალბათ", რასაც ყოფილი სახელმწიფო მდივანი დათანხმა:

"შესანიშნავია".

მაიკ პომპეო დონალდ ტრამპის ადმინისტრაციაში სახელმწიფო მდივნად 2018 წლის აპრილში დაინიშნა და ამ პოსტს ჯო ბაიდენის ინაუგურაციამდე იკავებდა.