აშშ-ს გამოძიების ფედერალურმა ბიურომ (FBI) რუსი ბიზნესმენის, ევგენი პრიგოჟინის დაკავებისთვის საჭირო ინფორმაციაზე 250 ათასი დოლარის ოდენობის ჯილდო დააწესა. პრიგოჟინს ხშირად "პუტინის მზარეულად" მოიხსენიებენ და მას 2016 წელს აშშ-ს საპრეზიდენტო არჩევნებში ჩარევაში ადანაშაულებენ.

გარდა ამისა, აშშ-ში პრიგოჟინს ინტერნეტ კვლევების სააგენტოსთან აკავშირებენ, რომელსაც სხვანაირად ე.წ. ტროლების ფაბრიკას უწოდებენ. ბიზნესმენისა და მისი კომპანიის წინააღმდეგ სანქციები მოქმედებს.

პრიგოჟინთან ერთად ძებნაში გამოცხადებულია რუსეთის კიდევ 12 მოქალაქე, რომელთაც ასევე არჩევნებში ჩარევა ედებათ ბრალად. რუსმა ბიზნესმენმა FBI-ს გადაწყვეტილებას "კუდიანებზე ნადირობა" უწოდა.