კვირის 7 მნიშვნელოვანი ამბავი მსოფლიოდან
გასული კვირა საქართველოში დატვირთული, დაძაბული და საინტერესო იყო. რამდენიმე დღეში პოლიტიკური ლანდშაფტი სრულიად შეიცვალა — ერთიანი ნაციონალური მოძრაობის თავმჯდომარეს, ნიკა მელიას სასამართლომ პატიმრობა შეუფარდა, გადადგა პრემიერმინისტრი გიორგი გახარია და მის ადგილს ყოფილი პრემიერმინისტრი და მოქმედი თავდაცვის მინისტრი, ირაკლი ღარიბაშვილი დაიკავებს, შეიცვალა ინფრასტრუქტურის მინისტრიც. სწორედ ამ ცვლილებებმა გამოიწვია მოცემულობის რადიკალური ცვლილება, რასაც დიდი გავლენა ექნება პოლიტიკურ პროცესზე. მაგალითად, უკვე ვიცით, რომ გაუქმდა ოპოზიციის მიერ დაანონსებული აქცია 25 თებერვალს.
მიუხედავად ცხელი პოლიტიკური კვირისა საქართველოში, არც ის ამბები უნდა გამოგვრჩეს, რაც გასულ კვირაში მსოფლიოში იყო მნიშვნელოვანი. თუ კი ამ პოლიტიკური აურზაურის გამო ვერ მოახერხეთ, თვალი გედევნებინათ მიმდინარე კვირის საერთაშორისო სიახლეებისთვის, ჩვენ მათ ერთად შემოგთავაზებთ.
"აფხაზეთი საქართველოა" — გზავნილი მარსზე
მარსმავალი, Perseverance მარსზე წარმატებით დაეშვა. ხომალდი ანტიკური ტბის, ეზეროს კრატერის მიმდებარედ დაეშვა და პლანეტაზე არსებულ სიცოცხლის ნიშნებს, პლანეტის გეოლოგიას და მისი უნაყოფობის მიზეზებს შეისწავლის.
ნასას საიტზე რეგისტრირებულ ადამიანებს ხომალდისთვის გზავნილის გატანება შეეძლოთ, რომელიც შეუსწავლელ პლანეტაზე მოხვდებოდა. მთელი მსოფლიოსთვის მნიშვნელოვანი ეს ამბავი საქართველოსთვის კიდევ ერთი კუთხით გახდა გამორჩეული — გიორგი ჯახაიამ გადაწყვიტა გზავნილის სახელისა და გვარის ველში "აფხაზეთი საქართველოა" და "ჩვენ დავბრუნდებით" ჩაეწერა. აღნიშნულმა ინფორმაციამ მარსზე Perseverance-თან ერთად ჩააღწია.
ნავალნის სასამართლო
რუსულმა სასამართლომ ოპოზიციონერი ალექსეი ნავალნი ვეტერანზე ცილისწამების საქმეში დამნაშავედ ცნო. მას 850 000 რუბლის გადახდა დაეკისრა.
Meduza-ს ინფორმაციით, მაქსიმალური სახდელი ამ მუხლზე 1 მილიონი რუბლია და ბრალდების მხარე 950 000 დაკისრებას ითხოვდა, დაცვა კი სრულად გამართლებას.
ამავე დღეს, ამავე შენობაში სასამართლომ განიხილა ნავალნის დაცვის აპელაცია აღკვეთის ღონისძიების შეცვლის შესახებ ივ როშეს საქმეზე. სასამართლომ მოთხოვნა არ დააკმაყოფილა და მხოლოდ პატიმრობის ვადა შეამცირა — თვე-ნახევრით. ნავალნი კოლონიაში 2 წელიწად-ნახევარს გაატარებს.
ევროსასამართლომ რუსეთს ნავალნის დაუყოვნებლივი გათავისუფლება მოსთხოვა
ადამიანის უფლებების ევროპულმა სასამართლომ რუსეთის ფედერაციას ოპოზიციონერი პოლიტიკოსის, ალექსეი ნავალნის დაუყოვნებლივი გათავისუფლება მოსთხოვა. ნავალნის ვებგვერდზე გამოქვეყნებული დოკუმენტის ასლის თანახმად, ამ გადაწყვეტილების მიღებისას პალატამ განმცხადებლის სიცოცხლისთვის საშიშროების შექმნის ხარისხი გაითვალისწინა.
რუსული ვაქცინა უცხოელი დიპლომატებისთვის
რუსეთის საგარეო საქმეთა სამინისტრომ ქვეყანაში მყოფ უცხოელ დიპლომატებს კორონავირუსის წინააღმდეგ Sputnik V-ის ვაქცინის გაკეთება შესთავაზა. ინფორმაცია ამის შესახებ გამოცემა კომერსანტმა გაავრცელა და უწყებაშიც დაადასტურეს.
საგარეო საქმეთა სამინისტროში აცხადებენ, რომ ვაქცინაციის კამპანიაში უცხოელი დიპლომატების მოწვევა საერთაშორისო პრაქტიკაა. საუბარია 12 ათას დიპლომატზე და მათი ოჯახის წევრებზე. იანვარში ვაქცინა იტალიის ელჩმა მიიღო.
გარდა ამისა, კომერსანტი წყაროზე დაყრდნობით წერს, რომ აშშ-ის ელჩმა, ჯონ სალივანმა უარი თქვა Sputnik V-ის ვაქცინის გაკეთებაზე, რომელიც რუსეთის მოქალაქეებისთვის არის განკუთვნილი.
ისრაელი კორონავირუსის წინააღმდეგ მიმართულ შეზღუდვებს ხსნის
გამომდინარე იქედან, რომ Pfizer-ის ვაქცინამ ვირუსის გამო ჰოსპიტალიზებულთა და გარდაცვლილთა შემცირებაში 95,8%-იანი ეფექტურობა აჩვენა, ისრაელმა ქვეყანაში არსებული შეზღუდვების მოხსნა დაიწყო.
კვირიდან მაღაზიების, ბიბლიოთეკებისა და მუზეუმების ფუნქციონირება სოციალური დისტანციის დაცვისა და პირბადის ტარების ფონზე ნებადართული იქნება. ჯანდაცვის მინისტრის თქმით, ეს იქნება ნორმალური ცხოვრების რეჟიმში დაბრუნების პირველი ნაბიჯი.
ისრაელი მსოფლიოში ჩატარებული ვაქცინების რაოდენობით ერთ-ერთ მოწინავე პოზიციაზეა. მოსახლეობის 49%-ზე მეტს სულ მცირე 1 დოზა უკვე მიღებული აქვს.
Facebook-მა ავსტრალიაში ნიუსის კონტენტის გაზიარება დაბლოკა
ავსტრალიაში დაგეგმილი კანონის გამო, Facebook-მა ახალი ამბების კონტენტი დაბლოკა. კანონის მიხედვით, ტექნიკურ კორპორაციებს მოუწევთ, მათ პლატფორმაზე ნიუსებისთვის განსათავსებლად დამატებითი თანხები გადაიხადონ.
Facebook-ის ახალი დადგენილებით, ავსტრალილები ვერ ნახავენ და ვერ გაიზიარებენ ადგილობრივ და საერთაშორისო ნიუსებს Facebook-ზე. ასევე, ადგილობრივი მედიები ვერ გააზიარებენ ან დაპოსტავენ საკუთარ გვერდებზე.
სამხრეთ ჩინეთის ზღვაში ამერიკისა და ჩინეთის ურთიერთობები დაიძაბა
ამერიკა ჩინეთს სამხრეთ ჩინეთის ზღვაში სამხედრო ძალის გამოყენებისგან თავშეკავებისკენ მოუწოდებს.
სახელმწიფო დეპარტამენტი შეშფოთებას გამოთქვამს ჩინეთში მიღებული კანონების გამო, რაც საშუალებას აძლევს ჩინეთის სანაპირო დაცვას გამოიყენოს იარაღი უცხოური გემების წინააღმდეგ.
-
-
გადახედვაფრინველის გრიპი ძროხებში ვრცელდება — რა უნდა ვიცოდეთ ფრინველის გრიპი ძროხებში ვრცელდება — რა უნდა ვიცოდეთ
-
-
გადახედვაახალი სურათი ჩვენი გალაქტიკის შავი ხვრელის მაგნიტური ველის სტრუქტურას გვიჩვენებს ახალი სურათი ჩვენი გალაქტიკის შავი ხვრელის მაგნიტური ველის სტრუქტურას გვიჩვენებს
-
გადახედვა2023 წელს შემცირდა ქორწინების, განქორწინების და შობადობის მაჩვენებელი — საქსტატი დემოგრაფიულ მაჩვენებლებს აქვეყნებს 2023 წელს შემცირდა ქორწინების, განქორწინების და შობადობის მაჩვენებელი — საქსტატი დემოგრაფიულ მაჩვენებლებს აქვეყნებს
-
გადახედვაკვლევის მიხედვით, თაობიდან თაობამდე ტვინების ზომა იზრდება — რას შეიძლება ნიშნავდეს ეს კვლევის მიხედვით, თაობიდან თაობამდე ტვინების ზომა იზრდება — რას შეიძლება ნიშნავდეს ეს
-
გადახედვაემა სტოუნს Poor Things-ის რეჟისორის ახალ ფილმში ვიხილავთ — ნახე ტრეილერი ემა სტოუნს Poor Things-ის რეჟისორის ახალ ფილმში ვიხილავთ — ნახე ტრეილერი
-
გადახედვაბაკურიანში, თოვლის მასაში ერთი ადამიანია მოყოლილი — ადგილზე მუშაობენ მაშველები ბაკურიანში, თოვლის მასაში ერთი ადამიანია მოყოლილი — ადგილზე მუშაობენ მაშველები
-
გადახედვალაზარე გრიგორიადისის საქმეზე დასკვნითი სხდომა კვლავ გადაიდო ლაზარე გრიგორიადისის საქმეზე დასკვნითი სხდომა კვლავ გადაიდო
-
გადახედვა2026 წელს ასტრონავტები მთვარეზე მცენარეებსაც წაიღებენ 2026 წელს ასტრონავტები მთვარეზე მცენარეებსაც წაიღებენ
-
გადახედვაBlack Sea Arena-ზე Scorpions და OneRepublic მაისში კონცერტებს გამართავენ Black Sea Arena-ზე Scorpions და OneRepublic მაისში კონცერტებს გამართავენ
-
-
გადახედვაბათუმში, ზღვაში არასრულწლოვანების მკვლელობის მცდელობის ფაქტზე ბრალდებულს, 16 წლით თავისუფლების აღკვეთა მიესაჯა ბათუმში, ზღვაში არასრულწლოვანების მკვლელობის მცდელობის ფაქტზე ბრალდებულს, 16 წლით თავისუფლების აღკვეთა მიესაჯა
-
გადახედვარომელია მსოფლიოში უძველესი უნივერსიტეტი რომელია მსოფლიოში უძველესი უნივერსიტეტი
-
გადახედვაფეხბურთის მეკარეები სამყაროს სხვებისგან განსხვავებულად აღიქვამენ — კვლევა ფეხბურთის მეკარეები სამყაროს სხვებისგან განსხვავებულად აღიქვამენ — კვლევა
-
გადახედვაქმარი უკან მხევდა, ახლა თავისუფალი ვარ — შაკირა ქმარი უკან მხევდა, ახლა თავისუფალი ვარ — შაკირა
-
გადახედვაიმ პერიოდში, როცა მუცელი მომეშალა, სპექტაკლში ორსულ ქალს ვთამაშობდი — ენ ჰეთეუეი იმ პერიოდში, როცა მუცელი მომეშალა, სპექტაკლში ორსულ ქალს ვთამაშობდი — ენ ჰეთეუეი
-
გადახედვაChatGPT-ის გამოყენება მეხსიერების დაქვეითებასთან დააკავშირეს ChatGPT-ის გამოყენება მეხსიერების დაქვეითებასთან დააკავშირეს
-
გადახედვამიზოფონია იმაზე მეტად არის გავრცელებული, ვიდრე აქამდე გვეგონა — კვლევა მიზოფონია იმაზე მეტად არის გავრცელებული, ვიდრე აქამდე გვეგონა — კვლევა
-
-
გადახედვაინგლისის ვეტკლინიკაში მოხვედრილი "ზღარბი" ქუდის პომპონი აღმოჩნდა ინგლისის ვეტკლინიკაში მოხვედრილი "ზღარბი" ქუდის პომპონი აღმოჩნდა
კომენტარები