დაავადებათა კონტროლის ეროვნული ცენტრის ხელმძღვანელი, ამირან გამყრელიძე ამბობს, რომ პირბადის ხმარება ბავშვის ჯანმრთელობაზე უარყოფით გავლენას არ ახდენს. ასე უპასუხა გამყრელიძემ ჟურნალისტების კითხვას მშობლების ნაწილის პოზიციასთან დაკავსირებით, რომლებიც ამბობენ, რომ პირბადე ბავშვისთვის საშიშია.

"არსებობს ბევრი კვლევა და მსოფლიოში საზოგადოებრივი ჯანმრთელობის ერთ-ერთი ყველაზე ძლიერი ინსტიტუციის, ეს გახლავთ ამერიკის დაავადებათა კონტროლის ეროვნული ცენტრი, გაიდლაინშიც 6 წლიდან ბავშვებისთვის დასაშვებია პირბადის ხმარება და ის არავითარ უარყოფით გავლენას ბავშვის ჯანმრთელობაზე არ ახდენს", — თქვა გამყრელიძემ.

მისივე განმარტებით, თუ ბავშვს აქვს რომელიმე დაავადება, ექიმის დანიშნულებით შესაძლებელია უარი თქვას პირბადის ტარებაზე.

დღეიდან სკოლებში სწავლა უკვე მთელი ქვეყნის მასშტაბით საკლასო ოთახებში დაიწყო. მე-5 კლასიდან ზემოთ მოსწავლეები ვალდებულები არიან, ატარონ პირბადე, რომელიც მათ მშობლებმა უნდა გაატანონ.

წაიკითხეთ: