აშშ-ს პრეზიდენტი, დონალდ ტრამპი მაისში დაგეგმილ ნატოს ბრიუსელის სამიტს დაესწრება. ნატოს ოფიციალურ ვებ-გვერდზე გავრცელებულ განცხადებაში ვკითხულობთ, რომ კვირას, 5 თებერვალს, ტრამპმა ნატოს სამიტზე მისი დასწრება, გენერალურ მდივანს იენს სტოლტენბერგს დაუდასტურა სატელეფონო საუბრისას.

განცხადებაში წერია, რომ მათი საუბრის მთავარი თემა იყო, კონფლიქტი აღმოსავლეთ უკრაინაში, კერძოდ, "უკრაინის საზღვარზე კონფლიქტის მშვიდობიანი რეზოლუციის შესაძლებლობა". ასევე, მათი დისკუსია ძირითადად გაიმართა იმაზე, თუ როგორ უნდა მოხდეს ნატოს წევრი მოკავშირეების ფინანსური ვალდებულებების შესრულება. გენერალურმა მდივანმა დონალდ ტრამპს შეახსენა, რომ ნატოს აქვს ძლიერი თავდაცვის თანმიმდევრული პოლიტიკა და დიალოგი რუსეთთან.