ფარულ საგამოძიებო მოქმედების განხორციელებაზე უფლებამოსილი უწყება აღმასრულებელი ხელისუფლების ნაწილი იქნება, თუმცა ექნება დამოუკიდებლობის მაღალი გარანტიები. ამის შესახებ ქართული ოცნების წევრმა მამუკა მდინარაძემ საზოგადოებრივი მაუწყებლის პირველი არხის ეთერში განაცხადა.

„ძალიან ვთხოვ ყველას დააკვირდეს ამ სიტყვას - ფარული საგამოძიებო მოქმედებები. საგამოძიებო ფუნქციის ერთ-ერთი ნაირსახეობაა. უნდა გაგვეტანა სახელმწიფოს კონტროლის გარეთ და ამგვარი საგამოძიებო მოქმედებების ნაირსახეობა ეწარმოებინა რაღაც დამოუკიდებელ უწყებას, სხვა საგამოძიებო მოქმედებები ეწარმოებინა აღმასრულებელი ხელისუფლების რაღაც შტოს, ეს ასე არ არის,“ - აღნიშნა მამუკა მდინარაძემ.

მისი თქმით, ფარული საგამოძიებო მოქმედებების შესახებ ისეთი პროექტი მიიღეს, რომლითაც გაძლიერდა ადამიანის უფლებების დაცვის მექანიზმები და უსაფრთხოების გამოწვევებს არ შეუქმნეს საფრთხე.

კამპანია ეს შენ გეხება მიიჩნევს, რომ მმართველი გუნდის საკანონმდებლო ცვლილებების ვერსია, ფარული მიყურადების შესახებ, ობიექტურია, თუმცა სინამდვილეში, იგი უფრო ძლიერ სისტემას შექმნის და არღვევს საკონსტიტუციო სასამართლოს გადაწყვეტილებას. ისინი პროექტის არსებული რედაქციის განხილვის შემთხვევაში სამუშაო ჯგუფში მონაწილეობაზე უარს ამბობენ.