აშშ-ს პრეზიდენტი დონალდ ტრამპის დაბლოკვის შემდეგ, სოციალური ქსელების გიგანტების — Facebook-ისა და Twitter-ის აქციები ჯამურად 51,2 მილიარდი დოლარით შემცირდა. ინფორმაციას ამის შესახებ Buisness Insider ავრცელებს.

მას შემდეგ, რაც ტრამპის მხარდამჭერები კაპიტოლიუმში შეიჭრნენ არაერთმა სოციალურმა ქსელმა პრეზიდენტის პლატფორმა დროებით მაინც დაბლოკა. ყველაზე მკაცრი ზომები Facebook-მა და Twitter-მა მიიღეს. ფეისბუქმა ტრამპის ანგარიშზე წვდომა ინაუგურაციამდე შეზღუდა, ხოლო ტვიტერმა — სამუდამოდ.

11 იანვარს, ორშაბათს Facebook-ის აქციების ფასი 4 პროცენტით დაეცა, 12 იანვარს კი კიდევ 2,2 პროცენტით. სამშაბათს ფეისბუქის საბაზრო კაპიტალიზაცია 47,6 მილიარდით იყო შემცირებული.

რაც შეეხება ტვიტერს, ამავე დღეებში მისი აქციები ჯერ 6,4 პროცენტით, შემდეგ ისევ 2,4 პროცენტით დაეცა. საერთო ჯამში, ტვიტერის საბაზრო კაპიტალიზაცია 3,5 მილიარდით შემცირდა.

ამავე თემაზე: