ქართული ოცნების აღმასრულებელმა მდივანმა, ირაკლი კობახიძემ განაცხადა, რომ არჩილ თალაკვაძემ მოლაპარაკებების მეორე რაუნდის დროს შესთავაზეს ოპოზიციას 1500-მდე უბნის გადათვლა, რაზეც კატეგორიული უარი მიიღეს. კობახიძის ამის მიზეზად ასახელებს იმას, რომ ოპოზიციამ მაშინ უკვე იცოდა PTV-სა და ცესკოს მონაცემების თანხვედრის შესახებ.

"ჩვენ რა შევთავაზეთ, წარმოიდგინეთ, PVT და ცესკო სადაც იყო ერთმანეთს აცდენილი, ყველა ის უბანი გადაგვეთვალა. თუ 2,4 იყო ცდომილება ქართული ოცნების შემთხვევაში, უბნების რაოდენობა უნდა ყოფილიყო ძალიან დიდი. კატეგორიული უარი თქვეს და მერე გაირკვა მიზეზი რაც იყო — მათ ძალიან კარგად იცოდნენ, რომ PVT და ცესკო, სინამდვილეში, ერთმანეთს ემთხვეოდა", — განაცხადა ირაკლი კობახიძემ POSTV-ს ეთერში.

ISFED-ის ხმების პარალელური დათვლა

სამართლიანი არჩევნებისა და დემოკრატიის საერთაშორისო საზოგადოების (ISFED) ცნობით, საპარლამენტო არჩევნების შემდეგ ხმების პარალელური დათვლის (PVT) პირველადი, შიდა აუდიტის მიხედვით, გამოვლინდა ხარვეზი საარჩევნო სუბიექტების მიერ მიღებული ხმების გამოსათვლელ ფორმულაში.

თავდაპირველად, 31 ოქტომბრის არჩევნების პარალელური დათვლის (PVT) შედეგების მიხედვით, ქართულმა ოცნებამ 45,8% აიღო, ხოლო ნაციონალურმა მოძრაობამ 26,4%. 11 დეკემბერს ISFED-ის მიერ გასწორებული მონაცემების მიხედვით კი, ქართულმა ოცნებამ 47,6%, ხოლო ნაციონალურმა მოძრაობამ 27,4% აიღო, რაც ცდომილების ზღვარის გათვალისწინებით, ცესკოს მონაცემებთან უფრო ახლოსაა. ცესკოს დათვლით, ქართულმა ოცნებამ ხმების 48,22%, ნაციონალურმა მოძრაობამ კი — 27,17% მიიღო.

გუშინ, 24 დეკემბერს, ცნობილი გახდა, რომ ორგანიზაციის აღმასრულებელმა დირექტორი ელენე ნიჟარაძე აღარ არის.

გაიგეთ მეტი: