ჯანდაცვის მინისტრის მოადგილემ, თამარ გაბუნიამ განაცხადა, საქართველოსთვის მარტი არის რეალური დრო, რომელიც ვაქცინაციის დასაწყებად აქვთ განსაზღვრული. ამის შესახებ მან საოკოორდინაციო საბჭოს დასრულების შემდეგ განაცხადა.

გაბუნიამ ასევე აღნიშნა, რომ საქართველოს დღესვე შეუძლია, მიიღოს და განახორციელოს ვაქცინაცია იმ 3 ძირითადი ვაქცინით, რომელიც დღეს არის დაწინაურებული.

"საუბარი მაქვს ასტრაზენეკაზე, რომელსაც სჭირდება 2-8 გარდუსამდე და ეს ჩვენ შეგვიძლია, მივიღოთ, როგორც კოვაქს პლატფორმით, ასევე, უფრო ადრეც, ევროპის ქვეყნებთან ორმხრივი მოლაპარაკებების გზით. უკვე კონკრეტული წინადადებებიც იკვეთება ამაზე, ასევე, არის ფაიზერი, რომელიც-70 გრადუსს საჭიროებს და ასეთი რამდენიმე მაცივარი უკვე არის. შემიძლია ვთქვა მოდერნაზეც, რომელსაც-20 გრადუსი სჭირდება. ამის ტექნიკური შეააძლებლობა ქვეყანას აქვს. მარტი არის რეალური დრო, რომელიც ვაქცინაციის დასაწყებას გვაქვს განსაზღვრული", — ამბობს გაბუნია.

25 დეკემბრის მონაცემებით, საქართველოში კორონავირუსის 1 881 ახალი შემთხვევა დადასტურდა, გამოჯანმრთელდა —1 515 პირი, გარდაიცვალა — 37 ადამიანი.