რას ვაკეთებთ წინასაახალწლოდ? ვრთავთ ნაძვის ხეს, ვამზადებთ საჩუქრებს, ვშლით საახალწლო სუფრას და ვუსმენთ ძალიან, ძალიან ბევრ საახალწლო სიმღერას. საბედნიეროდ, არჩევანი დიდია და განწყობის შექმნა პოპის, როკის, ბლუზის თუ ჯაზის მოყვარულებს ერთნაირად შეუძლიათ. საჭიროა მხოლოდ YouTube-ზე შესვლა და საძიებო სისტემაში საახალწლო ან საშობაო სიმღერების დასერჩვა.

ამ ერთი შეხედვით მარტივ პროცედურას, რატომღაც სავაჭრო ცენტრების მფლობელები, ან ცენტრებში საახალწლო განწყობაზე მზრუნველი პირები თავს ვერ ართმევენ, ამიტომ იქ ყოველთვის ერთი და იგივე სიმღერები გვესმის. სულერთია რომელ ქალაქში ან ქვეყანაში ხართ, ან რა დროს ატარებთ სავაჭრო ცენტრებში, ქვევით ჩამოთვლილი ხუთეული იქ აუცილებლად გაჟღერდება.

თუმცა, რადგან პანდემიის გამო სავაჭრო ცენტრებში ხეტიალი სანატრელი გაგვიხდა, 24 დეკემბრიდან მზად ვართ სიხარულით მოვუსმინოთ იმ ხუთ ყბადაღებულ საახალწლო სიმღერას, რომლითაც ამდენი წელია ყურები გვაქვს გამოჭედილი.

1. All I Want for Christmas Is You

2. Jingle Bell Rock

3. Last Christmas

4. We Wish You A Merry Christmas

5. Let it Snow

გაგვიზიარეთ თქვენი საყვარელი საახალწლო სიმღერები და ერთად განვაახლოთ ფლეილისთი და სხვებსაც დავეხმაროთ გამრავალფეროვნებაში.