He will not divide us - ის ვერ გაგვყოფს - ამ ლოზუნგით დაიწყო მსახიობმა შაია ლებეფმა ახალი საპროტესტო პროექტი, რომელიც დონალდ ტრამპის წინააღმდეგაა მიმართული.

პროექტის ფარგლებში ჩართული იქნება 4-წლიანი უწყვეტი ვიდეოსტრიმინგი, რომელშიც ყველას შეუძლია მონაწილეობა. ნიუ-იორკის კინომუზეუმთან აწყობილია საპროტესტო არტ-სტენდი და კამერა, სადაც ნებისმიერ მოქალაქეს აქვს საშუალება ტრამპის გაპრეზიდენტება ან მისი გადაწყვეტილებები გააპროტესტოს.

შაია ლებეფი ვიდეოსტრიმინგს მანამდეც იყენებდა თავისი პროექტებისთვის. ერთხელ თავისი ფილმების ლაივში ყურება გადაწყვიტა, მეორედ კი ლიფტში ასვლა-ჩამოსვლის პროცესს გადასცემდა მთელი დღის განმავლობაში.