Euronews საქართველოს შესახებ დაწერილ სტატიაში ორსულობისა და ქორწილამდე სექსის თემას ეხება და აღნიშნავს, რომ ეს საკითხები ქალებისთვის ტაბუირებულია, კაცებისთვის კი დასაშვები და საამაყოც კი არის.

ჟურნალისტი აღნიშნავს, რომ ახალგაზრდა ქალებს საზოგადოება ე.წ. ზნეობრივი ნორმების დაცვას აიძულებს, რაც ხშირად ხდება არასრულწლოვანთა დაქორწინების მიზეზი. ქორწინების მოწმობა ქალებისთვის ერთგვარ ლიცენზიას წარმოადგენს სექსისთვის.

Euronews საქართველოს დემოგრაფიულ მდგომარეობასაც განიხილავს და წერს, რომ შობადობის გაზრდის მიზნით საქართველოს კათოლიკოს-პატრიარქმა ილია მეორემ თავად დაიწყო მესამე და მომდევნო ბავშვების ნათლობა, რაც ბევრი ქრისტიანისთვის მოტივი გახდა, შემდგომ შვილზე დაფიქრებულიყო. ყოველ 19 იანვარს, ნათლისღების დღესასწაულზე სამების საკათედრო ტაძარში საყოველთაო ნათლობა იმართება, გამონაკლისი არც წლევანდელი წელი იყო და სულ ახლახან ილია მეორე კიდევ 780 ახალშობილის ნათლია გახდა.

ინტერესი გამოწვია ნათლობის ქართულმა რიტუალმაც:

ვიდეოს აღწერაში Euronews წერს: "ნათლობის რიტუალი და აკრობატი ბავშვი".