ენმ-ის ლიდერის, ხატია დეკანოიძის განცხადებით, რუსთაველზე მიმდინარე მდუმარე აქცია მნიშვნელოვანია იმისთვის, რომ საერთაშორისო საზოგადოებამ დაინახოს, რას ფიქრობს ხალხი. მისი თქმით, პომპეოს ვიზიტის გასაშუქებლად ბევრი უცხოელი ჟურნალისტი ჩამოდის და მათ უნდათ ანახონ, რომ ხდება სახელმწიფოს მიტაცება.

"ახლა ძალიან მნიშვნელოვანია, რომ სახელმწიფო მდივანმა, რომელიც ინფორმირებულია დიპლომატიური წარმომადგენლობის მიერ და მათ შორის, საერთაშორისო პრესამ გაიგოს იმის შესახებ, რომ საქართველოში მიტაცებულია სახელმწიფო, არაფერი ზღვარი არ არსებობს მმართველ პარტიასა და სახელმწიფოს შორის და საქართველოს მოქალაქეებს წაერთვათ იმის უფლება, რომ საკუთარი ნება დააფიქსირონ", — განუცხადა მან On.ge-ს.

აშშ-ის სახელმწიფო მდივნის ვიზიტის პარალელურად რუსთაველზე მდუმარე აქცია მიმდინარეობს. აქციის მონაწილეებს გაშლილი აქვთ ამერიკისა და საქართველოს დროშები და პლაკატები წარწერით: "არჩევნები გაყალბდა", "ოლიგაქრმა არჩევნები მოიპარა".

ფოტო: ანა მსხალაძე / On.ge

ფოტო: ლანა კოკაია / On.ge

ფოტო: ლანა კოკაია / On.ge

მაიკ პოპმეო უკვე შეხვდა პრემიერს, პრეზიდენტსა და პატრიარქს. ამ წუთებში ის არასამთავრობო სექტორის წარმომადგენლებს შეხვდება და ვიზიტს დაასრულებს.

გაიგეთ მეტი პომპეოს ვიზიტზე: