საქართველოს საგარეო საქმეთა მინისტრის, დავით ზალკალიანის თქმით, აშშ-ის სახელმწიფო მდივნის, მაიკ პომპეოსთან შეხვედრა საქართველოს ხელშესახებ შედეგებს მოუტანს.

"მხედველობაში სწორედ ამერიკის შეერთებული შტატების მეტი ყოფნა საქართველოში ყველა მიმართულებით, როგორც თავდაცვის და უსაფრთხოების, ისე ეკონომიკური მიმართულებით, ასევე, დემოკრატიული ინსტიტუტების გაძლიერების თვალსაზრისით და ვფიქრობ, რომ ეს შეხვედრა ჩვენ ხელშესახებ შედეგებს მოგვიტანს, რა თქმა უნდა, კიდევ ერთხელ დაფიქსირდა ამერიკის შეერთებული შტატების ურყევი მხახრდაჭერა საქართველოს სუვერენიტეტისა და ტერიტორიული მთლიანობის მიმართ, საქართველოს ევროპული და ევროატლანტიკური ინტეგრაციის მიმართ", — განაცხადა ზალკალიანმა.

მისივე თქმით, პრემიერმინისტრმა, გიორგი გახარიამ მკაფიოდ განაცხადა, რომ ამერიკის შეერთებული შტატების ჩართულობა საქართველოში კიდევ უფრო უნდა გაიზარდოს.

ამერიკის შეერთებული შტატების სახელმწიფო მდივანი, მაიკ პომპეო პრემიერმინისტრს, გიორგი გახარიას შეხვდა.

სამუშაო შეხვედრები მაიკ პომპეომ დილიდან დაიწყო. ის უკვე შეხვდა საქართველოს პრეზიდენტს და კათოლიკოს-პატრიარქს, ილია მეორეს. გარდა ამისა, ის შეხვედრებს მესამე სექტორთანაც გამართავს.

სახელმწიფო მდივანს არ აქვს დაგეგმილი შეხვედრები ოპოზიციასთან. ოპოზიცია მდუმარე აქციას მართავს.

პომპეო საქართველოს 18 ნოემბერს შუადღით დატოვებს.

გაიგეთ მეტი: