დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ინფრასტრუქტურის მინისტრის, მაია ცქიტიშვილის განცხადებით, 9 ნოემბრიდან საქართველოს დიდ ქალაქებში როგორც მუნიციპალური, ასევე, კერძო საბავშვო ბაღების ფუნქციონირება შეიზღუდება.

"ორშაბათიდან, 9 ნოემბრიდან, დიდ ქალაქებში: თბილისში, ქუთაისში, ბათუმში, რუსთავში, ზუგდიდში, გორში და ფოთში იქნება შეჩერებული როგორც კერძო, ასევე, მუნიციპალური საბავშვო ბაღების ფუნქციონირება და იგივე ქალაქებში მუნიციპალიტეტებთან აქტიურად ვმუშაობთ იმისთვის, რომ მათ მიერ იქნას შემოტანილი გარკვეული ღონისძიებები, რათა უშუალოდ მუნიციპალურ ტრანსპორტში შეიზღუდოს ადამიანების რაოდენობა", — განაცხადა ცქიტიშვილმა.

7 ნოემბრის მონაცემებით, საქართველოში კორონავირუსის 2 859 ახალი შემთხვევა დადასტურდა, გამოჯანმრთელდა — 2 754, გარდაიცვალა 18 ადამიანი.

4 670 ადამიანი მკურნალობს საავადმყოფოში. მათ შორის, თბილისის საავადმყოფოებში — 2 282, აჭარაში — 740.

2 599 ადამიანი არის კოვიდ-სასტუმროში. მათ შორის, 1 299 — აჭარაში, ხოლო 849 — თბილისში. 7 343 პირი მკურნალობს ბინაზე.

ამ ეტაპზე აქტიური ინფიცირებული შემთხვევა არის 14 612. კარანტინის რეჟიმში 3 015 პირი იმყოფება, სტაციონარში მეთვალყურეობის ქვეშ — 4 670.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: