ჯანდაცვის მინისტრი, ეკატერინე ტიკარაძე ამბობს, რომ მთავრობა მზად არის, დასხდეს მოლაპარაკებების მაგიდაზე ოპოზიციასთან, რათა მიაღწიონ შეთანხმებას. ამის შესახებ მინისტრმა საკოორდინაციო საბჭოს სხდომის დასრულების შემდეგ გამართულ ბრიფინგზე ისაუბრა.

"ოპოზიციასთან მიმართებაში მზად ვართ, დავსხდეთ მოლაპარაკებების მაგიდასთან, ეს მნიშვნელოვანია და ნებისმიერი მოლაპარაკება და შეთანხმება შეიძლება მოხდეს მსგავსი პროტესტის გამოხატვის გარეშეც, ბევრად უფრო ცივილურად და ეფექტურად. არ გამოვიყენოთ ბოროტად ჩვენი ემოციები და პირადი ინტერესები და არ გავავრცელოთ ინფექცია ქვეყანაში, ეს არის ჯანდაცვის სამინისტროს მთავარი ამოცანა", — განაცხადა ტიკარაძემ.

საოლქო საარჩევნო კომისიებთან საპროტესტო აქციები მიმდინარეობს. 31 ოქტომბრის საპარლამენტო არჩევნების შედეგებს ოპოზიცია არ აღიარებს და ქუჩაში საპროტესტო აქციებს მართავს. პარტიებმა საკანონმდებლო ორგანოში შესვლაზე უარი უკვე თქვეს.