პრემიერმინისტრის, გიორგი გახარიას განცხადებით, ჯანდაცვის სისტემისთვის კრიტიკულად მნიშვნელოვანია, რომ ჰოსპიტალიზაციის პროცენტი 26-დან, 15-მდე შემცირდეს. მისი თქმით, ჰოსპიტალში გადაყვანა, მხოლოდ და მხოლოდ მძიმე შემთხვევებისას უნდა მოხდეს.

"როგორც და რაც არ უნდა დაგვიჯდეს ჰოსპტალიზაციის პროცენტის 15%-მდე დაწევა არის ერთადერთი და კრიტიკულად მნიშვნელოვანი ფაქტორი, რომელმაც უნდა გადაგვალახინოს ეს კრიზისი. ამიტომ ახლა ჰოსპიტალიზაციის პროტოკოლებიდან დაწყებული, მანუალური მართვით, ყველაფერი უნდა გავაკეთოთ იმისთვის, რომ ეს 26% დავიყვანოთ 15%-მდე", — განაცხადა მან.

მისივე თქმით, მნიშვნელოვანია, რომ კოვიდსასტუმროებს დროულად დაემატოს თერაპევტული ელემენტები

"კოვიდსასტუმროები, როგორც გუშინ ვილაპარაკეთ, თერაპევტული ელემენტები, სასწრაფოდ, დღესვე უნდა იყოს შემოტანილი. ეს კოვიდ სასტუმროები ჩვენი მოქალაქეებისთვის, რომელსაც თვითიზოლაცისს საშუალება არ აქვთ, ოღონდ მარტო კოვდისასტუმრო კი არა, კოვიდ სასტუმრო თერაპიული მართვის ელემენტებითა და სამედიცინო მეთვალყურეობით", — განაცხადა მან.

გარდა ამისა, როგორც პრემიერმა აღნიშნა, საჭიროა ანტიგენის ტესტირების გაფართოება.

"გაფართოებული ტესტირება ანტიგენზე მოგვცემს შესაძლებლობას, რომ იმ შემთხვევაში თუ ბინაზე მკურნალობა, კოვიდ სასტუმრო და ჰიოსპიტალიზაცია სწორად გვაქვს დალაგებული, ანტიგენით სწრაფი ტესტირება აღჭურვავს ადამიანს ცოდნით, რომ ის ინფიცირებულია და ინფრასტრუქტურა შექმნილია იმისთვის, იმის და მიუხედავად რა სიმძიმის არის, როგორ უმკურნალოს თავის თავს", — განაცხადა მან საკოორდინაციო საბჭოს სხდომაზე ვიდეოჩართვისას.

გახარია კოვიდინფიცირებულია და ის დადასტურების შემდეგ დისტანციურად მუშაობს.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: