პარლამენტის თავმჯდომარემ, არჩილ თალაკვაძემ განაცხადა, მედია თავს ესხმოდა მოქალაქეების თავისუფალ არჩევანს.

თალაკვაძემ, გარდა მედიისა, არჩევნებზე ნეგატიურ ფაქტორებს შორის დაასახელა ოპოზიციური პარტიების მხრიდან საზოგადოებრივ აზრზე თავდასხმა.

"ჩემი მხრიდან შემიძლია, გითხრათ, რომ არჩევნების წინ, თუნდაც ძირითადი ოპოზიციური პარტიების მხრიდან, ადგილი ნამდვილად ჰქონდა საზოგადოებრივ აზრზე თავდასხმას. იმედი მაქვს ამ ყველაფერს ჩვენი საერთაშორისო დამკვირვებლები ობიექტურად შეაფასებენ", — განაცხადა თალაკვაძემ.

დღეს ქართული ოცნების ლიდერები ეუთო/ოდირის სადამკვირვებლო მისიის წარმომადგენლებს შეხვდნენ.

საქართველოში საპარლამენტო არჩევნები 31 ოქტომბერს ჩატარდა. არჩევნების შედეგების ლეგიტიმურობას უარყოფს ბარიერგადალახული რვავე ოპოზიციური პარტია და 1 ნოემბრიდან, ყოველდღიურად აქციებს მართავს. ოპოზიციური პარტიები პარლამენტში შესვლაზე უარს აცხადებენ და რიგგარეშე არჩევნებს ითხოვენ.