NASA-ს მიხედვით, 2 ნოემბერს ჩვენს მზის სისტემას ასტეროიდი 2018VP1 მოუახლოვდებოდა. მართალია, პრაქტიკულად შანსი არ იყო, რომ ასტეროიდი დედამიწას დაეჯახებოდა, Oreo-მ თავის დაზღვევა გადაწყვიტა და სამყაროს აღსასრულისთვის განკუთვნილი ბუნკერი ააგო თავისი ცნობილი რეცეპტისა და ორცხობილების დასაცავად.

"მართალია, გვითხრეს, რომ ასტეროიდ 2018VP1-ს თითქმის არ ჰქონდა დედამიწასთან შეჯახების შანსი, დარწმუნებული მაინც არ ვიყავით. ნორვეგიის, სვალბარდის, მრავალწლოვანი მზრალობის შუაგულში ჩვენ ორეოს გლობალური ბუნკერი ავაგეთ მხოლოდ ერთი მიზნით: რათა გვქონოდა იმის გარანტია, რომ ორეოს ორცხობილები მომავალ თაობებსაც ექნებათ", — განმარტა ორეომ.

ყველაფერი ოქტომბერში დაიწყო ერთი ტვიტით, რომელშიც მომავალი ასტეროიდის ამბის გაგების შემდეგ მომხმარებელმა იკითხა, ვინ დაიცავდა ორეოებს. მალევე ორეო არქიტექტორ მარკუს თორლანდთან გაერთიანდა ბუნკერის ასაშენებლად.

მომხმარებელი: "ნეტავ ორეოებს ვინ გადაარჩენს?"

ორეო: "დამიჭირე ერთი ეს *რძიანი ჭიქის ემოჯი*"

ორეომ ხუთწუთიანი ვიდეო გამოუშვა, რომელშიც პროექტის სცენებს მიღმა არსებულ სიტუაციას გვაჩვენებს და ამბობს, რომ ბუნკერი "მართლა ნამდვილია". ბრენდმა სკეპტიკურად განწყობილი ადამიანებისთვის ბუნკერის მისაგნებად შემდეგი კოორდინატებიც კი წარადგინა: 78° 08’ 58.1” N, 16° 01’ 59.7” E.

ორეოს ორცხობილების ყუთები მაილარშია გახვეული, რომელსაც -62 °C-იდან 148 °C-მდე ტემპერატურის ატანა შეუძლია და რომელიც სინესტესა და ჰაერს არ ატარებს.

საბოლოოდ, 2 ნოემბერს ასტეროიდი დედამიწას არ დაეჯახა — ნუ, ამის მხოლოდ 0.41% შანსი არსებობდა — თუმცა მსგავსი მარკეტინგი საკმაოდ საინტერესო და სახალისოა. ამიერიდან მშვიდად დაიძინებთ, რადგან გეცოდინებათ, რომ აპოკალიფსის შემთხვევაში ორეოს ორცხობილები უსაფრთხოდაა, მანამ კი ამ პროექტის 5-წუთიან ვიდეოს შეავლეთ თვალი: