დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

საქართველოში Covid-19-ით 15 წლის მოზარდი გარდაიცვალა. პაციენტის გარდაცვალებას On.ge-სთან პირველი საუნივერისტეტო კლინიკის კლინიკური დირექტორი, ლალი ტურძელაძე ადასტურებს, თუმცა სხვა დეტალებზე არ საუბრობს.

"გიდასტურებთ გარდაცვალებას, მეტს ვერაფერს გეუბნებით", — ამბობს ლალი ტურძელაძე.

31 ოქტომბერს საქართველოში კორონავირუსის 1 673 ახალი შემთხვევა გამოვლინდა, გამოჯანმრთელდა — 2 881, გარდაიცვალა — 22. ამის შესახებ მთავრობის ადმინისტრაციის ხელმძღვანელმა, ნათია მეზვრიშვილმა, ბრიფინგზე ისაუბრა.

"დღეს გამოვლენილი 1 673 შემთხვევიდან, დედაქალაქისა და რეგიონების მიხედვით მაჩვენებლები გამოიყურება შემდეგი სახით: თბილისში გამოვლენილია 684 შემთხვევა, აჭარაში - 351, იმერეთში - 214, ქვემო ქართლში - 75 შიდა ქართლში - 98, გურიაში - 41, სამეგრელოსა და ზემო სვანეთში - 86, კახეთში - 52, მცხეთა-მთიანეთში - 23, სამცხე-ჯავახეთში - 33, რაჭა-ლეჩხუმსა და ქვემო სვანეთში - 16", — განაცხადა მეზვრიშვილმა.

ქვეყანაში ჯამში 38 936 შემთხვევაა დაფიქსირებული, მათ შორის, 22 691 გამოჯანმრთელდა, ხოლო 307 გარდაიცვალა. ამ დროისთვის, კარანტინის რეჟიმში იმყოფება 3 001, სტაციონარში მეთვალყურეობის ქვეშ — 4 136, ხოლო კოვიდ სასტუმროებში — 2 245.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: