ქართული ოცნების აღმასრულებელი მდივანი, ირაკლი კობახიძე ვარაუდობს, რომ 6-7 მაჟორიტარულ ოლქში, შესაძლებელია, მეორე ტური გახდეს საჭირო.

"მეორე ტურები არის, რა თქმა უნდა, შესაძლებელი. შეიძლება იყოს, დაახლოებით 6-7 ოლქი, სადაც შეიძლება ჩატარდეს მეორე ტურები. ამ ეტაპზე, ჩვენ, ბუნებრივია, თავს შევიკავებთ ამ ოლქების დასახელებისგან, ჩვენ გვაქვს იმედი, რომ 30-ვე მაჟორიტარულ ოლქში პირველ ტურში მოვიგებთ არჩევნებს, თუმცა, რა თქმა უნდა, მეორე ტურები გამორიცხული არ არის", — განაცხადა კობახიძემ.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: