თბილისში ავტობუსის კონტროლიორს კორონავირუსი დაუდასტურდა. როგორც თბილისის სატრანსპორტო კომპანიაში On.ge-ს უთხრეს, ტესტმა დადებითი პასუხი გუშინ აჩვენა, თუმცა კონტროლიორი 10 დღის განმავლობაში თვითიზოლაციაში იმყოფებოდა, ამიტომ ამ დროის მანძილზე მას მგზავრებთან შეხება არ ჰქონია.

"მისი ჯანმრთელობის მდგომარეობა დამაკმაყოფილებელია, მსუბუქ ფორმებში აქვს და რამდენადაც მე ვიცი, სახლში განაგრძობს მკურნალობას. მანამდე, 10 დღის განმავლობაში ის სამსახურში არ იყო, თვითიზოლაციაში გადავიყვანეთ, რადგან მას ჰქონდა გაციების ნიშნები, თავი შეუძლოდ იგრძნო. სამსახურში უწევდა გამოსვლა, ისინი გრაფიკით მუშაობენ, მაგრამ შეატყობინა სამსახურის უფროსს, რომ თავს შეუძლოდ გრძნობდა ამიტომ, არ გამოვიდა სამსახურში. მოვითხოვეთ, რომ დაკვირვებოდა ჯანმრთელობის მდგომარეობას და ყოფილიყო იზოლაციაში წესების მიხედვით, ასეც იყო. შემდეგ უკვე ჩატარდა ტესტირება და დაუდგინა ვირუსი", — გვითხრეს პრესსამსახურში.

28 ოქტომბერს საქართველოში კორონავირუსის 1 731 ახალი შემთხვევა გამოვლინდა, გარდაიცვალა — 15. პანდემიის დაწყების დღიდან კი ჯამში 33 858 შემთხვევა დაფიქსირდა, მათ შორის, 14 829 გამოჯანმრთელდა, ხოლო 253 გარდაიცვალა. ამ დროისთვის, კარანტინის რეჟიმში იმყოფება 3 507, სტაციონარში მეთვალყურეობის ქვეშ — 4 022, ხოლო კოვიდ სასტუმროებში — 2 344.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: