აშშ-ს სადაზვერვო სამსახურის ინფორმაციით, რუსეთის პრეზიდენტი ცდილობდა დონალად ტრამპს 2016 წლის საპრეზიდენტო არჩევნებში გამარჯვებაში დახმარებოდა. ამის შესახებ Independent წერს.

„ჩვენ მაღალი სანდოობით ვაცხადებთ, რომ რუსეთის პრეზიდენტის ვლადიმერ პუტინის დაკვეთა მიზნად ისახავდა 2016 წლის აშშ-ს საპრეზიდენტო არჩევნების კამპანიაში ჩარევას“, - ნათქვამია ანგარიშში, რომელის მიხედვითაც, პუტინის მოტივაცია ყოფილი სახელმწიფო მდივნის, ჰილარი კლინტონის მიმართ ვენდეტა იყო, რომელიც მის რეჟიმს 2011 წლიდან აკრიტიკებდა.

25-გვერდიან დოკუმენტში აღნიშნულია, რომ რუსეთის ნაციონალისტური ლიბერალ-დემოკრატიული პარტიის ლიდერი ვლადიმერ ჟირინოვსკი აღნიშნავდა ტრამპის გამარჯვებით დამდგარ შესაძლებლობებს. ის აღნიშნავდა, რომ რუსეთი ელის საკუთარი პოზიციების გამყარებას სირიასა და უკრაინაში.