დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის დირექტორის, ამირან გამყრელიძის თქმით, მათ ერთ-ერთ თანამშრომელს კორონავირუსი დაუდასტურდა. გამყრელიძის განცხადებით, ინფიცირებული არა დაავადებათა ეროვნულ ცენტრში, არამედ სხვა ორგანიზაციაში მყოფ პაციენტთან კონტაქტია.

"ის გახლდათ სუპერვაიზერი ერთ-ერთი დიდი რეგიონის და სწორედ მაშინ დაინფიცირდა, როცა ის თავის სამუშაო ვალდებულებას ასრულებდა. იგი არის უსიმპტომოდან-მსუბუქამდე, ასეთი შემთხვევა", — განაცხადა გამყრელიძემ.

მისი თქმით, გამომდინარე იქიდან, რომ ინიფიცირებული ცენტრის თანამშრომელია, მასთან კონტაქტში მყოფ ყველა პირს ტესტირება ჩაუტარდა.

"რადგან ჩვენ ვართ განსაკუთრებით სტრატეგიული დაწესებულება, ვმუშაობთ პროტოკოლით, რომ დღეს ყველა ადამიანი, მათ შორის მეც, 48 საათში ერთხელ იტესტება", — აღნიშნა მან.

7 ოქტომბერს საქართველოში კორონავირუსის 508 ახალი შემთხვევა დადასტურდა, გამოჯანმრთელდა — 348. სულ კორონავირუსის 9 753 შემთხვევაა დადასტურებული. აქედან, 5 235 ადამიანი უკვე გამოჯანმრთელდა. გარდაიცვალა — 62.

ამ დროისთვის კარანტინის რეჟიმში 5 655 ადამიანი იმყოფება, სტაციონარში მეთვალყურეობის ქვეშ კი — 836. კოვიდ სასტუმროში 1 230 პირი მკურნალობს.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: