ქართული ოცნების აღმასრულებელი მდივნის, ირაკლი კობახიძის განცხადებით, არეულობა მხოლოდ ოპოზიციას აწყობს. როგორც კობახიძე ამბობს, ამის მიზეზი მათი დაბალი რეიტინგებია. ამის შესახებ მან ჟურნალისტებს განუცხადა.

"ერთადერთი, ვისაც დღეს არეულობა აწყობს, არის ოპოზიცია. რატომ? მიზეზი არის მარტივი. ეს არის რეიტინგი და თქვენ ხედავთ, რომ რეიტინგები არის უმძიმესი ოპოზიციისთვის. ვერც ერთი პარტია ვერ ახერხებს იმაზე საუბარსაც კი, რომ რომელიმეს შეუძლია პირველ ადგილზე გასვლა ან პირველ ადგილთან მიახლოება", — განაცხადა კობახიძემ.

29 სექტემბერს, მარნეულში ქართული ოცნებისა და ნაციონალური მოძრაობის აქტივისტების დაპირისპირების შედეგად, რამდენიმე ადამიანი დაშავდა, მათ შორის ფიზიკურად გაუსწორდნენ ტელეკომპანია მთავარის ორი ჟურნალისტსა და ორი ოპერატორს, ასევე საზოგადოებრივი მაუწყებლის ოპერატორს.

ამავე თემაზე: