გამომძიებლებმა თურქეთში რუსეთის მკვლელის მეგობარი გოგო დაკითხეს. ინფორმაციას თურქულ გაზეთზე დაყრდნობით RIA NOVOSTI ავრცელებს.

წყაროს ცნობით, გამოძიებამ დაადგინა, რომ რუსეთის ელჩის მკვლელს რუსეთის მოქალაქესთან ჰქონდა ურთიერთობა, რომელიც ამ დროისთვის მოსკოვში ცხოვრობს. ქალმა გარკვეული დრო ანკარაში გაატარა და ელჩის მკვლელთან ჰქონდა რომანი. მან თურქეთი კარლოვზე თავდასხმამდე დატოვა.

თურქული გამოცემის ინფორმაციით, რუსმა სამართალდამცავებმა აღნიშნული ქალი დაკითხეს, რის შედეგადაც ურთიერთობის არსებობა დადასტურდა.

19 დეკემბერს, თურქეთში რუსეთის ელჩი, ანდრეი კარლოვი დაჭრეს. ჭრილობების შედეგად, კარლოვი მალევე დაიღუპა.