არაერთი შეუდარებელი ფილმი გვინახავს და ბევრ მათგანს დამსახურებული ჯილდოებიც მოუპოვებია. თუმცა, განურჩევლად იმისა, თუ როგორია თვითონ ფილმი, არაერთი გასაოცარი ცალკეული სცენა თუ კადრი არსებობს, რომელმაც განსაკუთრებით დიდი შთაბეჭდილება დატოვა მაყურებელზე.

წარმოგიდგენთ 15 საუცხოო კადრს ფილმებიდან, რომელიც ნამდვილად იმსახურებს ოსკარს (მას რომ ამაში იძლეოდნენ):

შენიშვნა: სტატია შეიცავს სპოილერებს

1. ოზის გამოჩენის კადრი, ოზის ჯადოქარი (1939)

როდესაც დოროთი ოზში გამავალ კარს აღებს და მისი შავ-თეთრი სამყაროდან ოზის ფერად სამყაროში გადასვლას ვხედავთ — ეს კადრი ნამდვილად სუნთქვას შეგიკრავთ. წარმოგიდგენიათ, რამდენად გასაოცარი იქნებოდა ეს იმ ადამიანებისთვის, რომლებმაც პირველად იხილეს ასეთი ეფექტი?

2. ვალკირიას კადრი, თორი: რაგნაროკი (2017)

როცა ვალკირია, თავის პეგასზე ამხედრებული, ჰელასთან შესაბრძოლებლად მოფრინავს — ძალიან დეტალური და ულამაზესი კადრია.

3. გაყოფილი ზღვის კადრი, მოანა (2016)

როცა მოანა გაყოფილ ზღვაში ტე'კასკენ მიემართება.

4. როუზის ამოხედვის კადრი, ტიტანიკი (1997)

როცა როუზის ახალგაზრდა სახეს მისი იისფერი ქუდის ქვეშ პირველად ვხედავთ.

5. ატმის ბუსუსების კადრი, პარაზიტი (2019)

უბრალოდ გენიალურია.

6. ბრძოლის კადრი, ბეჭდების მბრძანებელი: ორი ციხე-კოშკი (2002)

როდესაც გენდალფი, ეომერი და როჰანელები მთიდან ეშვებიან სარუმანის ჯართან შესატაკებლად (რომელიც ჰელმის ხრამს უტევს), ამ დროს კი მზე მთაზე ამოდის, მათ გზას უნათებს და სარუმანის ჯარს აბრმავებს. შეუდარებელი კადრია, რომელშიც ორი ჯარის შეპირისპირებაა ნაჩვენები — სინათლისა და სიბნელის ძალების.

7. ყინულის კადრი, Eternal Sunshine of the Spotless Mind (2004)

ზედხედი, როცა ჯოელი და კლემენტინა ყინულზე წვანან გიგანტური ბზარის გვერდით... ულამაზესია.

8. მკვდართა სამყაროს კადრი, კოკო (2017)

როცა კოკო გულყვითელების ხიდს გადაკვეთს და მკვდართა სამყაროს პირველად ვხედავთ.

9. სახის გამოჩენის კადრი, ბნელი რაინდი (2008)

როცა ჯოკერის სახეს პირველად ვხედავთ. ძრწოლისმომგვრელია.

10. მანქანის კადრი, ნათლია (1972)

როცა როსო და კლემენცა პოლის მოკვლას აპირებენ. შორეულ ფონზე თავისუფლების ქანდაკება მოჩანს და მახვილგონივრულად გვახსენებს, რამდენად შორი გზა განვლეს იტალიელ-ამერიკელებმა.

11. ჰოლდოს მანევრის კადრი, ვარსკვლავური ომები: უკანასკნელი ჯედაი (2017)

თვითონ ფილმზე ბევრნი არ გავგიჟდით, მაგრამ თავგანწირვის ეს სცენა, როცა ვარსკვლავების გამანადგურებელს აჯანყებულთა ხომალდი ეჯახება, ნამდვილად ძალიან შთამბეჭდავია.

12. ბანერის კადრი, იურული პერიოდის პარკი (1993)

ტირანოზავრის მახლობლად ჩამოვარდნილი ბანერის კადრი, როცა ის ვიზიტორთა ცენტრში ღრიალებს.

13. რწმენის ნახტომის კადრი, Spider-Man: Into the Spider-Verse (2018)

შემდეგი.

14. გაქცევის კადრი, გაქცევა შოუშენკიდან (1994)

ენდი, როგორც იქნა, კანალიზაციის მილსადენიდან ამოდის, გარეთ კი წვიმს — იდეალური კადრია.

15. პოლიციის მანქანის კადრი, ჯოკერი (2019)

როცა არტური პოლიციის მანქანაზე დგას და პირველად გრძნობს, რომ საზოგადოება მას აღარ უგულებელყოფს, და ის ჭეშმარიტად "ჯოკერი" ხდება.

ბონუსი: დასასრული, მებრძოლთა კლუბი (1999)

როცა ნარატორი და მარლა ხელიხელჩაკიდებულები უყურებენ, როგორ ფეთქდება შენობები, ფონად კი Pixies-ის Where Is My Mind? ირთვება. საუცხოო დასასრული.