მოსალოდნელი ამინდის შესახებ გარემოს ეროვნული სააგენტო გაფრთხილებას აქვეყნებს. მათი ცნობით, ქვეყნის მასშტაბით 3 ოქტომბრის დღის მეორე ნახევრამდე კვლავ მოსალოდენელია დროგამოშვებით ნალექი ზოგან ძლიერი ინტენსივობის.

"1 ოქტომბრის დღის ბოლოდან 3 ოქტომბრის დღის მეორე ნახევრამდე საქართველოში კვლავ მოსალოდენელია დროგამოშვებით ნალექი, ქვეყნის მთიან და მაღალმთიან რაიონებში, ასევე აჭარაში, კახეთის და ქვემო ქართლის რეგიონებში, ზოგან ძლიერი ინტენსივობის. შესაძლებელია ელჭექი, სეტყვა, ქარის გაძლიერება და ზღვაზე 3-4 ბალიანი შტორმული ღელვა.

მოსალოდნელმა ძლიერმა ნალექებმა შესაძლებელია მდინარეებზე წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს (საფრთხის დონე საშუალო)", — წერია გავრცელებულ ინფორმაციაში.