სომხეთის პრემიერმინისტრმა ნიკოლ ფაშინიანმა 1-ელ ოქტომბერს გამართულ ბრიფინგზე განაცხადა, რომ საჭიროა შეზღუდვების დაწესება, რათა მოქალაქეებმა მთავრობას ერთი და იმავე საკითხზე გაუთავებელი წერილები ვეღარ მისწერონ. ინფორმაციას სომხური მედია ავრცელებს.

როგორც პრემიერმა აღნიშნა, ის ყოველდღიურად მრავალ ისეთ განცხადებას იღებს, რომელთა მოგვარებაც შეუძლებელია.

პრემიერმა პროცესის ციფრული წესით, ერთიანი არხის მეშვეობით წარმართვა ითხოვა, რათა გამოირიცხოს მოქალაქეების მხრიდან ერთი და იმავე საკითხზე მიმართვები.

"არ ყოფილა შემთხვევა, რომ მოქალაქეს ერთხელ მიემართა, მისი მდგომარეობის შესწავლის შემდეგ დახმარებოდნენ და ამის მერე კიდევ 10-ჯერ არ მოემართა", — აღნიშნა ფაშინიანმა.