დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის დირექტორის, ამირან გამყრელიძის თქმით, ამ ზაფხულს აჭარის ზღვის სანაპიროზე, დაახლოებით, 2 100 მასწავლებელი იმყოფებოდა. მისი თქმით, ყველა აღრიცხულია და მათი ტესტირება მომდევნო დღეებში მოხდება.

"განათლების სამინისტროსთან აქტიურად ვთანამშრომლობთ, მოგვცეს სიები ვინ იყვნენ აჭარის სანაპიროზე, რომელიც მომატებული რისკფაქტორი იყო წელს და ყველა მათგანის ტესტირება მოხდება დღეს, ხვალ, ზეგ", — აცხადებს გამყრელიძე.

გასული 24 საათის განმავლობაში აჭარაში Covid-19-ის 39 ახალი შემთხვევა დაფიქსირდა. ამის შესახებ ინფორმაცია აჭარის ავტონომიური რესპუბლიკის ჯანდაცვის სამინისტროს პრესსამსახური გაავრცელა.

11 სექტემბრის მონაცემებით, საქართველოში კორონავირუსის 87 ახალი შემთხვევა გამოვლინდა, გამოჯანმრთელებულთა რიცხვი კი 20-თ გაიზარდა.

ჯამში ქვეყანაში კორონავირუსის 1 917 დადასტურებული შემთხვევაა, მათ შორის გამოჯანმრთელდა — 1 354, გარდაიცვალა — 19. კარანტინის რეჟიმში — 5 882 პირი იმყოფება, სტაციონარში მეთვალყურეობის ქვეშ — 390.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: