დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

მაღაზია ზღაპარის ვარკეთილის ფილიალის თანამშრომელს კორონავირუსი დაუდასტურდა. კომპანიის მენეჯერმა სოფიო თარაშვილმა რუსთავი 2-თან განაცხადა, რომ თანამშრომელი თვითიზოლაციაში იმყოფება. მისივე თქმით, თვითიზოლაციაშია აღნიშნული ფილიალის ყველა სხვა პერსონალიც.

"არავინ არ არის არსად გადაყვანილი, ეპიდცენტრიდან არავინ დაგვკავშირებია, უბრალოდ თვითიზოლაციაშია და შეძლებისდაგვარად, სხვადასხვა ობიექტიდან არსებული თანამშრომლები ვმუშაობთ ამ ფილიალში, რომ არ გავაჩეროთ მუშაობის პროცესი", — აცხადებს იგი.

6 სექტემბრის მონაცემებით, საქართველოში კორონავირუსის 29 ახალი შემთხვევა გამოვლინდა, 8 ადამიანი გამოჯანმრთელდა.

ჯამში, საქართველოში კორონავირუსის დადასტურებულ შემთხვევათა რაოდენობა 1 650-მდე გაიზარდა, ამათგან 1 310 უკვე გამოჯანმრთელდა, 19 კი გარდაიცვალა. კარანტინის რეჟიმში იმყოფება 6 020, სტაციონარში მეთვალყურეობის ქვეშ კი — 299.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: