იაპონიის პრემიერმინისტრი, შინძო აბე ჯანმრთელობის მდგომარეობის გაუარესების გამო გადადგომას აპირებს. ინფორმაციას ამის შესახებ ადგილობრივი გამოცემა NHK ავრცელებს. პრემიერის თანამდებობაზე აბე 2021 წლის

როგორც BBC წერს, შინძო აბეს დიდი ხანია წყლულოვანი კოლიტი აწუხებს, თუმცა ბოლო პერიოდში მდგომარეობა დამძიმდა.

NHK-ინფორმაციით, მოგვიანებით პრემიერი პრესკონფერენციას გამართავს და თავისი გადაწყვეტილების მიზეზებზე ისაუბრებს. გარდა ამისა, გამოცემა აღნიშნავს, რომ ბოლო ორი კვირის განმავლობაში აბემ კლინიკას ორჯერ მიმართა, რაც მისი ჯანმრთელობის გაუარესებაზე მეტყველებს.

აბემ პრემიერის თანამდებობა მეორედ 2012 წელს დაიკავა და იაპონიის ისტორიაში ყველაზე ხანგრძლივი მმართველია. რეკორდულ ხანგრძლივობას მან ოთხი დღის წინ მიაღწია და პოსტზე 2021 წლის სექტემბრამდე უნდა ყოფილიყო.

აქამდე ლიბერალურ-დემოკრატიულ პარტიაში უარყოფდნენ, რომ პრემიერი გადადგომას აპირებდა და აღნიშნავდნენ, რომ მისი ჯანმრთელობის მდგომარეობა ნორმაშია.

შინძო აბემ პრემიერის პოსტის პირველად 2006 წელს დაიკავა, თუმცა ერთი წლის თავზე კვლავ ჯანმრთელობის მდგომარეობის გამო ვადაზე ადრე გადადგა.