დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

18 აგვისტოს მონაცემებით, კორონავირუსის 10 ახალი შემთხვევიდან ერთი გორში, სამედიცინო პერსონალს დაუდასტურდა. გორმედის კლინიკური დირექტორის, ხათუნა შრუბის განცხადებით, ინფიცირებული ექთანი თვითიზოლაციაში იმყოფებოდა და დადებითი პასუხი მხოლოდ მეორე ტესტირების დროს დაუდასტურდა.

"დაფიქსირდა ერთი შემთხვევა — ექთანი, რომელიც ცხელების ზონაში იყო დასაქმებული. ეს იყო თვითიზოლაციაში გაგზავნილი ექთანი, რომელსაც პირველი ტესტირება უარყოფითი ჰქონდა და თვითიზოლაციის პერიოდში პროტოკოლის მიხედვით მეორე ტესტირებაზე ამოუვიდა დადებითი პასუხი. ისევ რჩება თვითიზოლაციაში და პროტოკოლის მიხედვით კიდევ გაიტესტება. წყაროს იკვლევენ ეპიდემიოლოგიური სამსახური და ჯანდაცვის სამინისტრო", — აცხადებს ხათუნა შრუბი.

ჯამში, საქართველოში კორონავირუსის დადასტურებულ შემთხვევათა რაოდენობა 1 351-მდე გაიზარდა, გამოჯანმრთელებულია 1 092 ადამიანი, გარდაცვლილი კი — 17.

კარანტინის რეჟიმში რჩება 7 235 პირი, სტაციონარში მეთვალყურეობის ქვეშ კი 302 პაციენტია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: