ცნობილი ამერიკელი სცენარისტი, კომიკოსი, რეჟისორი და მსახიობი კარლ რაინერი 98 წლის ასაკში გარდაიცვალა.

კინოსა თუ სატელევიზიო ინდუსტრიაში ერთდროულად წარმატებული მოღვაწეობის შემდეგ მან ყველაზე კარგად თავი The Dick Van Dyke Show-ით დაგვამახსოვრა, რომელიც 60-იან წლებში გადიოდა და ყველა დროს ერთ-ერთ ყველაზე პოპულარულ ამერიკულ სიტკომად ითვლება.

კარლ რაინერის ასისტენტის განცხადებით, ეს ცნობილი ხელოვანი ორშაბათ დილით თავის სახლში ბუნებრივი მიზეზით გარდაიცვალა.

კარლ რაინერი და ბრედ პიტი ფილმში Ocean's Eleven.

ფოტო: Warner Bros. Pictures

თავისი მრავალწლიანი კარიერის განმავლობაში რაინერმა მსახიობის ამპლუაში ასამდე პროექტში მიიღო მონაწილეობა და მათ შორისაა ისეთი ფილმები, როგორებიცაა The Russians Are Coming! The Russians Are Coming!, It's a Mad, Mad, Mad, Mad World და Ocean's Eleven.

ბოლო წლებში კარლ რაინერი განსაკუთრებულად მეგობრობდა ასევე ცნობილ კომიკოსთან და კინოხელოვანთან, მელ ბრუკსთან. რაინერის აგენტმა სწორედ მათი საერთო ფოტო გამოაქვეყნა, სადაც ამ ორ ცნობილ სახეს რაინერის შვილთან ერთად მაისურები აცვიათ წარწერით "შავკანიანთა სიცოცხლე მნიშვნელოვანია".