გარემოს დაცვის მსოფლიო ფონდის ინფორმაციით, სამუხის ველზე მონავარდე ლიკლიკები გამოჩნდნენ. ამბავი იმაზე ბევრად მნიშვნელოვანია, ვიდრე ერთი შეხედვით შეიძლება მოგეჩვენოთ, რადგან ლიკლიკები საქართველოს ტერიტორიაზე გადაშენებული ქურციკების [ჯეირანი] ნაშიერები არიან.

ქურციკები საქართველოში 1960-იანი წლების დასაწყისში გადაშენდნენ. 2013 წლიდან WWF-ის ჩართულობითა და ინიციატივით საქართველოს ტერიტორიაზე ჯეირანის აღდგენის პროექტი მიმდინარეობს.

ფოტო: WWF Georgia / Facebook

როგორც ფონდი ფეისბუქ გვერდზე წერს, ლიკლიკები პროექტის ფარგლებში დაბადებული ქურციკების მეექვსე თაობას წარმოადგენენ, რაც ოპტიმიზმის საფუძველს იძლევა, რომ საქართველოში ამ სახეობის სრულფასოვანი პოპულაცია აღდგება.

ფოტო: WWF Georgia / Facebook

პროექტისთვის მხარდაჭერა საქველმოქმედო სათამაშოების შეძენით შეგიძლიათ.

ფოტო: WWF Georgia / Facebook

ფოტო: WWF Georgia / Facebook

ფოტო: WWF Georgia / Facebook