დღეს, ვლადიმერ პუტინი აფხაზეთის დე-ფაქტო პრეზიდენტს რაულ ხაჯიმბას შეხვდება. ამის შესახებ ინფორმაცია კრემლი ავრცელებს. განცხადებაში ნათქვამია, რომ ხაჯიმბა და პუტინი ორმხრივ თანამშრომლობაზე და იმ შეთანხმების განხორციელებაზე საუბარს გეგმავენ, რომელიც 2014 წლის 24 ნოემბერს დაიწყო და რუსეთ-აფხაზეთის სტრატეგიულ პარტნიორობას გულისხმობს. იგი მოიცავს ურთიერთობების გაღრმავებას სოციალურ, ეკონომიკურ და ჰუმანიტარულ სფეროებში, ასევე თავდაცვისა და უსაფრთხოების საკითხებში.

ამას გარდა, 22 ნოემბერს, რუსეთის პრეზიდენტმა ხელი მოაწერა კანონს რუსეთსა და აფხაზეთს შორის შეიარაღებული ძალების გაერთიანების თანხმობის რატიფიცირების შესახებ, რაც ქალაქ გალის სამხედრო ქალაქად გადაქცევას გულისხმობს. რუსეთის მხრიდან დაჯგუფებაში აფხაზეთის ტერიტორიაზე მდებარე სამხედრო ბაზა შედის, აფხაზეთის მხრიდან კი საარტილერიო და საავიაციო ჯგუფები, სპეციალური დანიშნულების რაზმი და 2 მოტორიზებული ქვეითთა ბატალიონი.

რა შედეგს მოიტანს გალის სამხედრო ქალაქად ჩამოყალიბება