1989 წელს ეკრანებზე გამოჩნდა კომედიური სამეცნიერო ფანტასტიკა Bill & Ted's Excellent Adventure, რომელშიც მთავარ როლებს კიანუ რივზი და ალექს უინტერი ასრულებდნენ. 1991 წელს გამოვიდა ფილმის მეორე ნაწილი Bill & Ted's Bogus Journey, თითქმის 30 წლის შემდეგ კი ამ ფრენჩაიზის მესამე ფილმსაც იხილავს მაყურებელი.

მესამე ნაწილს Bill & Ted Face the Music ჰქვია და მასში მთავარ როლებს კვლავ ყველასათვის საყვარელი მსახიობები ასრულებენ.

სულ ცოტა ხნის გამოქვეყნებული ტრეილერით თუ ვიმსჯელებთ, ბილმა და ტედმა, როგორც ჩანს, საბოლოოდ მაინც დაწერეს სიმღერა, რომელიც სამყაროს გაერთიანებაში დაეხმარებათ:

1989 წელს გამოსულ პირველი ფილმი ორი თინეიჯერის შესახებ მოგვითრობს, რომელთაც მუსიკის დახმარებით პლანეტის გადარჩენა და უტოპიური საზოგადოების შექმნა სურთ. ამას კი ისინი დროში მოგზაურობის საშუალებით ცდილობენ.

ახალ ნაწილში კიანუ რივზი და ალექს უინტერი კვლავ ჩვეული გზით ცდილობენ კაცობრიობის გადარჩენას.

კიანუ რივზი და ალექს უინტერი ფილმში Bill & Ted's Excellent Adventure (1989).

ფოტო: Orion Pictures

ამ ცნობილი ფილმების სერიის ახალი ნაწილი Galaxy Quest-ის რეჟისორმა, დინ პარიზომ გადაიღო, სცენარზე ბილი და ტედის ძველმა სცენარისტებმა, კრის მეთისონმა და ედ სოლომონმა იმუშავეს, პროდიუსერი კი სტივენ სოდერბერგია.

Bill & Ted Face the Music-ის პრემიერა 21 აგვისტოსაა დაგეგმილი.