საგარეო საქმეთა მინისტრობის კანდიდატმა მიხეილ ჯანელიძემ პარლამენტის რიგგარეშე პლენარულ სხდომაზე ვიზალიბერალიზაციის პროცესის შეფერხების მიზეზები განმარტა. მისი განცხადებით, საქართველოს მთავრობა ყოველდღიურ კომუნიკაციას ახორციელებს ევროკავშირის სტურუქტურებთან, მათ შორის ცალკეულ სახელმწიფოებთან.

როგორც ჯანელიძე ამბობს, მან დადასტურებულად იცის, რომ ევროკავშირის საგარეო სამეთა საბჭოს 14 ნოემბრის გადაწყვეტილებაში, ყველა ევროკავშირის წევრი ქვეყანის საგარეო საქმეთა მინისტრი მოუწოდებს ევროკავშირს ვიზალიბერალიზაციის პროცესის დროულად დასრულებისკენ:

"შემიძლია დაგიდასტუროთ რომ მე მიმდინარე კვირაშიც მქონდა კომუნიკაცია. მე მინდა დადასტურებით ვთქვა რომ ჩვენ არამხოლოდ რუმინეთის, არამედ ევროკავშირის ყველა წევრი ქვეყნის მხარდაჭერა გვაქვს".

ჯანელიძის თქმით, 5 ოქტომბერს ევროკავშირის საბჭოში წევრი ქვეყნების მუდმივმა წამომადგენლებმა ცალსახად აღნიშნეს, რომ საქართველო მიირებს ვიზალიბერალიზაციას და იგი ამოქმედდება მას შემდეგ რაც განახლდება შეჩერების მექანიზმი:

"2013 წლიდან დაიწყო უკრაინის კრიზიისი, 2015 წელს, უკვე ერთი მილიონი მიგრანტი შევიდა ევროპაში და 2015 წელს დაფიქსირდა უპრეცენდენტო რაოდენობის თავშესაფრის მოთხოვნა გერმანიაში. სწორედ ამან გააჩინა პრაქტიკა სემოშავებულიყო და განახლებულიყო შეჩერების მექანიზმის დებულება, რომელზეც მუშაობა დაიწყო 2016 წლის გაზაფხულზე".

რადიო თავისუფლების ბრიუსელის ბიუროს კორესპონდენტის ინფორმაციით, შეჩერების მექანიზმზე შეიძლება მანამ ვერ შეთანხმდნენ, სანამ საფრანგეთში არჩევნები არ ჩატარდება. მისივე ვარაუდით ეს მიმდინარე წელს ვერ მოხდება და სავარაუდოდ გაზაფხულისთვის გადაიდება.