რუსეთის პრეზიდენტმა, ვლადიმერ პუტინმა წარმატებულ მოსწავლეებს გეოგრაფიაში მინი-გამოცდა ჩაუტარა. პუტინმა თავის დასმულ კითხვას, თუ სად მთავრდება რუსეთის საზღვრები თვითონვე უპასუხა. ინფორმაციას ამის შესახებ BBC-ის რუსული სამსახური ავრცელებს.

ქვეყნის საზღვრების შესახებ საუბარი რუსეთის გეოგრაფიული საზოგადოებისთვის პრემიის გადაცემის ცერემონიაზე შედგა.

პუტინს 5 წლის ტიმოფეი და 9 წლის მიროსლავი, მრავალი ოლიმპიადის და გეოგრაფიული კონკურსის მონაწილეები გააცნეს.

პუტინმა მიროსლავს ჰკითხა, თუ სად მთავრდებოდა რუსეთის საზღვრები. როცა ბავშვმა პასუხის გაცემა დაიწყო, პუტინმა გააწყვეტინა და თქვა, რომ "რუსეთის საზღვრები არსად არ მთავრდება."

ერთი შეხედვით პუტინის უცნაური განცხადება სინამდვილეში კორექტულია - სახელმწიფო საზღვარი წარმოსახვითი შეკრული ხაზია.

რუსეთის გეოგრაფიული საზოგადოება - ერთ-ერთი ყველაზე ძველი გეოგრაფიული საზოგადოებაა მსოფლიოში. ის 1845 წელს შეიქმნა.

2010 წელს შეიქმნა პოლიტიკური საბჭო, რომელსაც სათავეში ვლადიმერ პუტინი უდგას.