აშშ-ს პრეზიდენტი, დონალტ ტრამპი ამბობს, რომ ჯანდაცვის მსოფლიო ორგანიზაციას(WHO) უნდა რცხვენოდეს, რადგან ის, როგორც "ჩინეთის საზოგადოებასთან ურთიერთობის სააგენტო", ისე მოიქცა. ამის შესახებ აშშ-ის პრეზიდენტმა, დონალდ ტრამპმა ბრიფინგის დროს განაცხადა.

"აშშ ჯანდაცვის მსოფლიო ორგანიზაციას დაახლოებით 500 მილიონ დოლარს უხდის, ხოლო ჩინეთი 38 მილიონ დოლარს წელიწადში. თუმცა ამას მნიშვნელობა არ აქვს.ისინი ბოდიშს უნდა იხდიდნენ, როცა შეცდომას უშვებენ და მითუმეტეს, როცა მათ შეცდომას ასობით ათასი ადამიანის სიცოცხლე შეეწირა", — განაცხადა დონალდ ტრამპმა.

ეს ტრამპის მხრიდან ჯანდაცვის მსოფლიო ორგანიზაციის მიმართ კრიტიკის პირველი შემთხვევა არაა. ტრამპი WHO-ს კრიზისის "უკიდურესად ცუდად მართვაში და საფრთხის დამალვაში" სდებს ბრალს.

14 აპრილს, დონალდ ტრამპმა განაცხადა, რომ აშშ ჯანდაცვის მსოფლიო ორგანიზაციის დაფინანსებას დროებით წყვეტს.