პარლამენტში ნაციონალური მოძრაობის დეპუტატი, თინა ბოკუჩავა ამბობს, რომ პრემიერმინისტრი გიორგი გახარია ანგარიშვალდებული არა პარლამენტის წინაშე, არამე "მოტიკტოკე" ბიძინა ივანიშვილის წინაშეა.

პარლამენტში სიტყვით გამოსვლის დროს ბოკუჩავამ აღნიშნა, რომ საგანგებო მდგომარეობის გაგრძელებასთან დაკავშირებით პრემიერმინისტრს უნდა ესაუბრა და დეპუტატების კითხვებისთვის ეპასუხა.

"თუ რამეს ითხოვს რეგლამენტი ეს არის, რომ საგანგებო მდგომარეობის განხილვას უნდა ესწრებოდეს პრემიერმინისტრი. მე მაინტერესებს ქალბატონი მეზვრიშვილი, რომელიც გამოაგზავნა გიორგი გახარიამ, თუ წარმოგვიდგენს იმ მიზეზს რის გამოც ის აქ არ იმყოფება. თუ უბრალოდ ხაზს უსვამს პარლამენტის ბუტაფორიულ ხასიათს და ამბობს, რომ ის ანგარიშვალდებული ამ პარლამენტის წინაშე კი არაა, არამედ ბუნკერში გამოკეტილი მოტიკტოკე პატრონის წინაშეა ანგარიშვალდებული", — აღნიშნა ბოკუჩავამ.