ჩინეთი აცხადებს, რომ კორონავირუსის შიდა გავრცელება ძირითადად შეჩერებულია. ამის შესახებ ინფორმაციას CNN ჩინეთის ჯანდაცვის ეროვნული კომისიის წარმომადგენლზე, მი ფენგის განცხადებაზე დაყრდნობით ავრცელებს.

მისივე ინფორმაციით, ამჟამად ქვეყანაში კორონავირუსის მხოლოდ 3000-მდე აქტიური შემთხვევა რჩება.

თუმცა, ფენგის თქმით, ჩინეთში ეპიდემიის ახალი ტალღის წარმოქმნის საფრთხე არსებობს, რადგანაც იმპორტირებული შემთხვევების იზრდება. მისი ინფრომაციით, ქვეყანაში 42 ქვეყნიდან იმპორტირებული 693 შემთხვევა დაფიქსირდა. რის გამოც ჩინეთის ხელისუფლებამ ქვეყნაში ჩინეთმა ქვეყანაში უცხოელების შესვლა აკრძალა.

ბოლო მონაცემებით, ჩინეთში კორონავირუსით ინფიცირების 82 120 შემთხვევაა დადასტურებული, ვირუსით გარდაცვლილია 3 182 ადამიანი , ხოლო 75 576 გამოჯანმრთელდა.