საგარეო საქმეთა მინისტრი, დავით ზალკალიანი ამბობს, რომ საქართველოს ევროპის საბჭოს მინისტრთა კომიტეტის თავმჯდომარეობას პოზიტიურად აფასებენ. მისი თქმით, საქართველოს, როგორც თავმჯდომარე ქვეყნის, ინიციატივები "ნოვატორულად" და "კრეატიულად" არის აღიარებული.

"მინდა ვთქვა, რომ ჩვენი თავმჯდომარეობა მიმდინარეობს ძალიან წარმატებულად, ჩვენი პრიორიტეტები, რომელიც აღიარებული არის ძალიან ნოვატორული და კრეატიული ინიციატივები, მათ შორის ის, რაც არის დაკავშირებული იგივე გარემოს დაცვის და ადამიანის უფლებებთან მიმართებაში, ასევე, სამოქალაქო საზოგადოების ჩართულობა, ბავშვზე ორიენტირებული მართლმსაჯულება და ასევე დემოკრატიის განვითარება განათლების და ახალგაზრდობის ჩართულობით არის უაღრესად პოზიტიურად აღქმული" — განაცხადა დავით ზალკალიანმა.