ჟურნალისტური ეთიკის ქარტიის საბჭოს გადაწყვეტილებით, თავისუფლების მონიტორს თსუ-ს რქტორის, გიორგი შერვაშიძის პლაგიატთან დაკავშირებულ სიუჟეტში ეთიკის პრინციპები არ დაურღვევია.

ქარტიის განცხადებით, სადაო იყო ქარტიის პირველი პრინციპი — სიზუსტე და მეხუთე პრინციპი — შესწორება. ეთიკის ქარტიას განცხადებით, თბილისის სახელმწიფო უნივერსიტეტის საზოგადოებასთან ურთიერთობის დეპარტამენტმა მიმართა.

საქმე ეხება რადიო თავისუფლების სტუდია მონიტორის მიერ მომზადებულ მასალას, რომელშიც ნათქვამია, რომ გიორგი შარვაშიძის სადისერტაციო ნაშრომში პლაგიატია. ჟურნალისტური გამოძიების მიხედვით, რექტორის დისერტაციაში უცვლელად გადატანილია 2002 წელს ღია საზოგადოების ფონის მხარდაჭერით მომზადებული დოკუმენტის ტექსტი. სტუდია მონიტორის გამოძიების მიხედვით, ტექსტს წყარო მითითებული არ აქვს.

გიორგი შარვაშიძე ამბობს, რომ მის ნაშრომში პლაგიატი არაა და გავრელებული ინფორმაცია უნივერსიტეტის დისკრედიტაციის მცდელობაა.

ცოტა ხნის წინ, პროფესორმა იაგო კაჭკაჭიშვილმა გაასაჯაროვა ილიას სახელმწიფო უნივერსიტეტის წერილი, სადაც ნათქვამია, რომ გიორგი შარვაშიძის სადისერტაციო ნაშრომში სრულად მეორდება ბროშურის ("სტრუქტურული რეფორმები უმაღლეს განათლებაში და საქართველოს კერძო უმაღლესი სასწავლებლების განვითარების ტენდენციები", ი.კ) ძირითადი ტექსტი. წერილის მიხედვით ეს ტექსტი ნაშორმის 34%-ს შეადგენს.

თსუ-ში აცხადებენ, რომ მაშინ, როცა რექტორმა სადისერტაციო ნაშრომი დაიცვა წყაროების მითითების სხვა სტანდარტი არსებობდა და არ აპირებენ ამ საკითხით ხელახლა დაინტერესდნენ. ამას გარდა, უნივერსიტეტში აცხადებენ, დისერტაციის ავტორი ტექსტში მადლობას უხდის იმ ჯგუფს, ვინც ტექსტის სადავო ნაწილზე იმუშავა.