თიბისისთვის განათლება მნიშვნელოვანი სტრატეგიული მიმართულებაა და ამ გზაზე ახალი თაობის მხარდაჭერას აქტიურად განაგრძობს. თიბისი საგანმანათლებლო ფონდ ვიზიონერის პარტნიორია და რამდენიმე სტუდენტს სრულად უფინანსებს სწავლის საფასურს, მათ შორისაა სამედიცინო ფაკულტეტის სტუდენტი მარიამ სტურუა.

ახალი თაობა ქვეყნის განვითარების ძირითადი, შეუქცევადი ძალაა. ხარისხიანი განათლება კი, როგორც ხშირად გადამწყვეტი კონკურენტული უპირატესობა, მარიამის ამბავშიც შეუცვლელ როლს ასრულებს. მისთვის განათლება არა მხოლოდ კარიერული წარმატების მიღწევის გარანტია, არამედ საკუთარი თავის ახლებურად, განსხვავებულ სიტუაციებში აღმოჩენის საშუალებაა. განათლებით იპოვა ისეთი შესაძლებლობები, რომლებმაც ცხოვრებაში წარმატებებს მიაღწევინა.

“ბავშვობიდანვე ვცდილობ, რომ ჩავერთო ბევრ საგანმანათლებლო აქტივობაში. შეიძლება უნივერსიტეტში ერთ მიმართულებას სწავლობდე, მაგრამ არაფორმალური განათლების სივრცეც ძალიან მნიშვნელოვანია მომავლისთვის. განსაკუთრებით, თუ უცხოეთში გინდა სწავლა ან გაცვლითი პროგრამებით წასვლა, იქ ძალიან დიდი ყურადღება ექცევა იმას, თუ რა გიკეთებია, უნივერსიტეტის გარეთ, რა პროგრამებში ჩართულხარ და ა.შ.

სწორედ ამ მიზნით, თავისი უნარების აღმოსაჩენად და შემდეგ რეალურ კონკურენტულ გარემოში მათი სწორი რეალიზებისთვის, ჩაერთო ვიზიონერის HR მენტორინგის პროგრამაში, რის შედეგადაც, როგორც თავად აღნიშნა, ძალიან დიდი ტრანსფორმაცია განიცადა.

“საკუთარი თავის რწმენა არის გადამწყვეტი ფაქტორი ნებისმიერი ოცნების მიღწევისთვის. როცა რაღაც ძალიან დიდი მიზანი გაქვს, წარმატებას ზოგჯერ მარცხიც გარდაუვალი, რამაც არ უნდა ჩაგიკლას მოტივაცია, არ უნდა შეიტანო საკუთარ თავში ეჭვი. ამ დროს ძალიან გეხმარება საკუთარი თავის რწმენა და გაგრძელებინებს შენი ამბის შექმნა.”

როდესაც განათლებით მიიწევ მიზნისკენ, შეიძლება ზუსტად იმ დროს სათანადო გამოცდილება, მოტივაცია და მზაობა არ გქონდეს, მაგრამ სწორედ ამ დროს უნდა დაიჯერო, რომ ახლა შეუძლებლი არაფერია.

ყველაფერი გამოგივა, მთავარია, გჯეროდეს შენი მიზნების!