სატენდერო გარანტიის წარდგენას, ტენდერში წარმატებული მონაწილეობისთვის გადამწყვეტი მნიშვნელობა არაერთი ბიზნესისთვის აქვს. წარსულში ამ დოკუმენტის მიღება ფილიალში ვიზიტთან და ხანგრძლივ დროსთან იყო დაკავშირებული. დღეს კი, როდესაც სისწრაფე და მოქნილობა ბიზნესის წარმატების ერთ-ერთი მთავარი წინაპირობაა, საქართველოს ბანკმა სატენდერო გარანტიის აღების პროცესი მაქსიმალურად გაამარტივა და ციფრულ სივრცეშიც გადაიტანა.

ახლა უკვე მომხმარებელს სატენდერო გარანტიის მიღება ბიზნეს მობილბანკიდან, უზრუნველყოფის გარეშე, 1 საათზე ნაკლებ დროში შეუძლია. ამ ინტერვიუში საქართველოს ბანკის ციფრული პროდუქტების ოუნერი, ანი ქობალია გვიამბობს, როგორ მუშაობს ახალი სერვისი, რა სიახლეები მოიტანა და როგორ ეხმარება ის ბიზნესის ზრდას.

ბიზნესის რა საჭიროებას პასუხობს ახალი გადაწყვეტა — სატენდერო გარანტიის გამარტივებული მიღება ბიზნეს მობილბანკში?

ტენდერში მონაწილე ბიზნესებისთვის მნიშვნელოვანია მოთხოვნილი გარანტიის დროულად წარდგენა. შესაბამისად, კრიტიკულია, რომ მისი მიღების პროცესი სწრაფი, მარტივი და ხელმისაწვდომი იყოს.

ადრე ეს პროცესი ფილიალში ვიზიტთან, მენეჯერთან კომუნიკაციასა და ლოდინთან იყო დაკავშირებული. ახალი გადაწყვეტით ბიზნესებს შეუძლიათ გაიაქტიურონ სატენდერო გარანტია ციფრულად, უმოკლეს დროში. ეს კი მათ ანიჭებს მეტ მოქნილობას, ტენდერის მოთხოვნაზე სწრაფი რეაგირების შესაძლებლობას, საბოლოოდ კი ზრდის ბიზნესის კონკურენტუნარიანობას.

დაგვიხასიათეთ, როგორ ხდება სატენდერო გარანტიის აღება ტექნიკურად — როგორია ნაბიჯ-ნაბიჯ პროცესი ბიზნეს მობილბანკში?

სატენდერო გარანტიის მიღება ბიზნეს მობილბანკში მარტივი და სრულიად ციფრული პროცესია. მომხმარებელი სატენდერო გარანტიის არჩევისას რამდენიმე ეტაპს გადის:

შეჰყავს მონაცემები — ტენდერის ნომერი, მოთხოვნილი თანხა, ვადა, რის შემდეგაც ხელმოწერით ეთანხმება განაცხადს და იწყება ავტომატური ანალიზის პროცესი. დაახლოებით ნახევარ წუთში მომხმარებელი არხშივე ხედავს გადაწყვეტილებას.­

დადებითი პასუხის შემთხვევაში, მომხმარებელს აპლიკაციაშივე უჩნდება გასააქტიურებელი გარანტია, შესაბამისად შესაძლებლობა აქვს, გაეცნოს დეტალებს, ხელი მოაწეროს ხელშეკრულებას და გაიაქტიუროს გარანტია.

მომხმარებელი პროცესს სრულიად დამოუკიდებლად რამდენიმე წუთში ასრულებს. ეს კი ბიზნეს დროსა და რესურსებს უზოგავს.

უკვე მიიღეთ გარკვეული უკუკავშირი პირველი მომხმარებლებისგან?

რა თქმა უნდა, მომხმარებლებმა უკვე გაგვიზიარეს საკუთარი შთაბეჭდილება პროდუქტზე. მათთვის ყველაზე ღირებული აღმოჩნდა ის რომ, გარანტიის მიღება დამოუკიდებლად შეუძლიათ. ისინი აღნიშნავენ, რომ დროისა და ადამიანური რესურსის დაზოგვა პროცესის დაწყებისთანავე აშკარად იგრძნობა.

და ბოლოს: როგორ ხედავთ ბიზნეს მობილბანკის როლს საშუალო და მცირე ბიზნესების ციფრულ ტრანსფორმაციაში მომავალი 1-2 წლის განმავლობაში?

ჩვენი ხედვით ბიზნეს მობილბანკ იუნდა იყოს ციფრული პლატფორმა, რომელიც მეწარმეს საშუალებას მისცემს დამოუკიდებლად, მოქნილად და ეფექტურად მართოს საკუთარი ბიზნესის საკვანძო პროცესები, ფინანსებიდან ­­— ადმინისტრირებამდე, ნებისმიერ დროსა და ადგილას.

ინფორმაციისთვის, ამჯერად სატენდერო გარანტიის მიღება 65%-მდე ფასდაკლებითაა შესაძლებელი. გაიგეთ მეტი საქართველოს ბანკის ბიზნეს მობილბანკიდან.