სადაზღვევო კომპანია იმედი L 30 წლისაა და მომხმარებელს განახლებულ ბრენდის კონცეფციას სთავაზობს.

30 წლიანი ისტორიის განმავლობაში, იმედი L-მა მომხმარებელს არაერთი სიახლე შესთავაზა, როგორც პროდუქტების, ისე სერვისების მიმართულებით. წლების განმავლობაში, იმედი L მნიშვნელოვნად უწყობდა ხელს ჯანმრთელობის დაზღვევის ინდუსტრიის განვითარებას და მომხმარებლის საჭიროებების გათვალისწინებით მოქმედებდა. დროის გასვლასთან ერთად, აუცილებელი გახდა ბრენდის სტილისა და ვიზუალის მორგება დღევანდელობასთან და დღეს არსებულ მომხმარებელთან. სწორედ ამიტომ, გადაწყდა ბრენდის განახლებული იდენტობის და სტრატეგიის შემუშავება.

იმედი L ისტორიულად ორიენტირებულია მომხმარებლისთვის კომფორტული და საჭირო გადაწყვეტების შეთავაზებაზე. თუმცა, განახლებული სტრატეგიის ფარგლებში, არსებულ ბირთვს მაქსიმალური პერსონალიზაცია, ემპათია და მეტი ინდივიდუალიზმი შემატა.

ბრენდის განახლებულ სტრატეგიაზე ნინო კუპრაშვილმა იმუშავა, ხოლო ვიზუალურ იდენტობაზე გიორგი ბოხუამ.

იმედი L არის პარტნიორი, რომელიც ადამიანების სთავაზობს მაქსიმალურად მორგებას სწორედ იმ საჭიროებებზე, რაც მათ რეალურად აქვთ. ბრენდის მთავარი მიზანია, რომ მომხმარებელს ზუსტად ის პროდუქტი და სერვისი შესთავაზოს, რაც მათ რეალურ ღირებულებას შეუქმნის.

“ადამიანების ყოველდღიური, რეალური საჭიროებების გაანალიზება და მათთვის გონივრული გადაწყვეტების შეთავაზება იმედი L-ის განახლებული სტრატეგიის მთავარი მიზანია.

ადამიანების ცხოვრების განსხვავებული სტილიდან გამომდინარე, ინდივიდუალური და მათზე მორგებული ზრუნვა სჭირდებათ. ჩვენი ყოველდღიურობა ხშირად არ მიჰყვება წესებს და შესაბამისად არც სტანდარტული გადაწყვეტილებები გვეხმარება. ამიტომ გადავწყვიტეთ, რომ მომხმარებელი დავიცვათ ზუსტად ისე, როგორც ეს მათ სჭირდებათ.

ჩვენი მიზანია, დავეხმაროთ ადამიანებს რეალური და პრაქტიკული გადაწყვეტილებების მოძიებასა და განხორციელებაში. ბრენდი მომხმარებელს შეუქმნის არა მხოლოდ ფინანსური უსაფრთხოებას, არამედ უკეთეს ცხოვრებას, ადამიანი ცხოვრების არც ერთ მნიშვნელოვან ეტაპს არ გაატარებს მარტო.“ — ნინა იანკოვსკაია, მარკეტინგისა და კომუნიკაციის დეპარტამენტის დირექტორი.

წლების განმავლობაში, იმედი L იყო კომპანია, რომელიც თავის ბენეფიციალებს ჯანმრთელობასთან დაკავშირებული ყველა რისკისგან იცავდა. განახლებული ბრენდის ფარგლებში კი, იმედი L აზღვევს არა მხოლოდ ჯანმრთელობას, არამედ ქონებასთან დაკავშირებულ ნებისმიერ რისკს. ბრენდი მომხმარებელს სთავაზობს დაცვის სრულ ეკოსისტემას, ნებისმიერი ტიპის დაზღვევას, მორგებულს მის ცხოვრების სტილსა და საჭიროებებზე.

იმედი L მუდამ ადამიანების გვერდითაა. დაბნეულობის, უეცარი ცვლილებების, სიხარულისა თუ შიშის დროს. ნებისმიერი ემოცია და ნებისმიერი ცხოვრებისეული თავგადასავალი, ერთგულ დაცვას საჭიროებს, რასაც იმედი L მომხმარებელს სთავაზობს.

ნინო კუპრაშვილი: “იმედი L-ის რებრენდინგი არა მხოლოდ ახალი იდენტობაა, არამედ რეალურად გადააზრებული, კომპანიის დღევანდელობას მორგებული ახალი სტრატეგია, რომელიც შექმნილია ბრენდის ძლიერი მხარეებისა და რეალური ხასიათის მაქსიმალური გათვალისწინებით. ახალი პლატფორმის ამოცანაა, რომ დაზღვევა დაამკვიდროს, როგორც ყოველდღიური, ადვილად ხელმისაწვდომი პროდუქტი, ხოლო იმედი L, როგორც ბრენდი, რომელიც აღიარებს და აფასებს ადამიანების განსხვავებულობას და ამ განსხვავებების შესაბამის საჭირო პროდუქტებს სთავაზობს მომხმარებელს, ყველა შესაძლო სიტუაციაში.

იმედი L არის რეალური, პრაქტიკული პარტნიორი, რომელსაც ესმის თითოეული მომხმარებლის, კარგად იცის დაზღვევა და კონკრეტულ გადაწყვეტას სთავაზობს. iმავდროულად, ბრენდი ქმნის დაზღვევის ეკოსისტემას, რომელიც თითოეულ ადამიანს მასზე მორგებული დაცვის სრულ პაკეტს მოუმზადებს.

სწორედ ეს მიდგომა — მორგება ადამიანის რეალურ ყოველდღიურობასა და არა მხოლოდ კრიზისულ მომენტებს გამოარჩევს ბრენდს და გვაძლევს ძალას, რომ დაზღვევა უფრო ახლო და მარტივი პროდუქტი გახდეს.”

განახლებული ბრენდის ფარგლებში მომზადდა ვიდეო რგოლი, რომელიც ხაზს უსვამს ბრენდის მთავარ გზავნილს — მორგებულობას ისე, როგორც ეს მომხმარებელს სჭირდება. ვიდეო რგოლი კრეატიულ სააგენტო ლივინსგსტონთან ერთად შეიქმნა.