რუსეთის ეროვნული ავიაკომპანია Aeroflot-მა დღეს, 28 ივლისს, უკრაინის ჰაკერულმა ჯგუფის მიერ განხორციელებული კიბერშეტევის გამო, იძულებული გახდა, ათობით რეისი გაეუქმებინა. ინფორმაციას Reuters ავრცელებს.

Aeroflot-მა არ დააკონკრეტა, რამდენი დრო დასჭირდება პრობლემის მოგვარებას. ავიაკომპანიის განცხადებით, გაუქმებული ფრენები ძირითადად დაგეგმილი იყო რუსეთში, ბელორუსის დედაქალაქ მინსკში და სომხეთის დედაქალაქ ერევანში.

კიბერშეტევაზე პასუხისმგებლობა ჰაკერულმა ჯგუფებმა Silent Crow-მ და ბელარუსულმა Cyberpartisans BY-მ აიღეს. "დიდება უკრაინას! დიდება ბელარუსს!" — წერია განცხადებაში.

Silent Crow-ის სახელით გაკეთებულ განცხადებაში ნათქვამია, რომ კიბერშეტევა ერთწლიანი ოპერაციის შედეგი იყო, რომელმაც ღრმად შეაღწია Aeroflot-ის ქსელში, გაანადგურა 7 000 სერვერი და მოიპოვა კონტროლი თანამშრომლების, მათ შორის უფროსი მენეჯერების პერსონალურ კომპიუტერებზე.

Reuters-ის ცნობით, კრემლმა განაცხადა, რომ მომხდარით ფაქტით შემაშფოთებელია, პროკურორებმა კიბერშეტევის შედეგი დაადასტურეს და სისხლის სამართლის გამოძიება დაიწყეს.

მგზავრები, რომლებსაც რეისები გაუუქმდათ სოციალურ ქსელ Vkontakte-ზე წერენ, რომ ავიაკომპანიისგან საკმარის ინფორმაციას ვერ იღებენ.

ერთ-ერთმა მგზავრმა, იულია პახოტამ VK-ზე დაწერა: "სატელეფონო ცენტრი მიუწვდომელია, ვებსაიტი მიუწვდომელია, აპლიკაცია მიუწვდომელია"

კიდევ ერთმა მგზავრმა, მალენა აშიმ დაწერა: "ვოლგოგრადის აეროპორტში 3:30 საათიდან ვზივარ!!!!! რეისი მესამედ გადაიდო!!!!!! ამჯერად ის დაახლოებით 14:50 საათზე გადაიდო და 5:00 საათზე უნდა გაფრენილიყო!!!"

Aeroflot-მა განაცხადა, რომ პრობლემის აღმოფხვრისთანავე დაზარალებულ მგზავრებს შეეძლებათ თანხის დაბრუნება მოითხოვონ ან ხელახლა დაჯავშნონ მგზავრობა.