"დღეს, აგერ ივლისის ბოლოს, ზამირ კვეკვესკირის ოჯახი ისევ იქ, თემქის ყოფილი გამგეობის შენობაში ცხოვრობს. ისევ იქ, საიდანაც ამოსვლისთვის ამ კაცმა ყველაზე დიდი მსხვერპლი, საკუთარი სიცოცხლე გაიღო," — ამის შესახებ სამოქალაქო აქტივისტი ვენერო მელუა სოციალურ ქსელში წერს.

2025 წლის 27 იანვარს, აფხაზეთიდან დევნილმა ზამირ კვეკვესკირმა დევნილთა სააგენტოსთან თავის დაწვა სცადა, მიღებული დაზიანებების შედეგად კი 1-ელ თებერვალს საავადმყოფოში გარდაიცვალა. ზამირ კვეკვესკირი ოჯახთან ერთად 18 კვადრატულ მეტრში ცხოვრობდა.

"ზამირ კვეკვესკირი ხომ გახსოვთ?

იმედია, გახსოვთ.

ზამირ კვეკვესკირის გარდაცვალებისთანავე აფრიალებული ფურცლებიც გეხსომებათ ალბათ, რომლითაც მის ოჯახს განსახლების პრობლემას უგვარებდნენ.

ეს იცით როდის იყო? თებერვალში, 5 თვის წინ.

დღეს, აგერ ივლისის ბოლოს, ზამირ კვეკვესკირის ოჯახი ისევ იქ, თემქის ყოფილი გამგეობის შენობაში ცხოვრობს. ისევ იქ, საიდანაც ამოსვლისთვის ამ კაცმა ყველაზე დიდი მსხვერპლი, საკუთარი სიცოცხლე, გაიღო.

როგორ ფიქრობთ, არ შეეძლოთ ერთი საცხოვრისის საკითხის მოგვარება?
შეეძლოთ, ბოლობოლო საკუთარი ჯიბიდან შეეძლოთ, იმდენი აქვთ ნაჭამი," — წერს ვენერო მელუა სოციალურ ქსელში.

ასევე იხილეთ: